Jakija pracesy adbyvajucca ŭ vašym ciele, kali vy jaście bulbu?

Bulba zajmaje važnuju rolu ŭ biełaruskaj kuchni. Mnohija ludzi nie ŭjaŭlajuć sabie viačeru biez hetaj harodniny. Što adbyvajecca ŭ našym arhaniźmie, kali my jaje jadzim? Akazvajecca, usio zaležyć ad taho, u jakim vyhladzie my spažyvajem karaniapłod.

Bulba ŭ dyjecie dla pachudzieńnia

Mahčyma, u heta ciažka pavieryć, ale bulba moža stać našym chaŭruśnikam u baraćbie ź lišniaj vahoj. Advarnaja bulba — nizkakałaryjnaja i sytnaja. Jana źmiaščaje šmat vuhlavodaŭ, charčovych vałoknaŭ, a taksama źjaŭlajecca krynicaj kaliju, vitaminu S, vitaminaŭ V6 i B4 i folijevaj kisłaty. Jašče zabiaśpiečvaje arhanizm vitaminami hrupy PP i cynkam.

Varanaja bulba ličycca adnoj z samych sytnych straŭ. U daśledavańni 2018 hoda pad nazvaj «Subjektyŭnaje pačućcio sytaści paśla ježy, jakaja źmiaščaje rys, makarony i bulbu», daśledčyki paraŭnoŭvali adčuvańni ŭdzielnikaŭ, jakija jeli roznyja hrupy praduktaŭ, i pryjšli da vysnovy, što paśla ježy, jakaja źmiaščaje bulbu, pačućcio sytaści trymałasia daŭžej, ludzi byli mienš hałodnymi i byli bolš zadavolenyja, čym pry spažyvańni inšych praduktaŭ.

Adnak varta padkreślić, što havorka idzie pra advarnuju bulbu. Bulba-fry, smažanaja bulba ci navat advarnaja, ale padadzienaja z tłustym sousam — nie našy sajuźniki ŭ zachavańni zdarovaj fihury.

Bulba dla zdarovych kostak

Žaleza, kalcyj, fosfar, mahnij i cynk, jakija źmiaščajucca ŭ bulbie, stanoŭča ŭpłyvajuć na zdaroŭje kostak. Pa hetaj pryčynie dobra ŭklučać u svoj racyjon advarnuju abo zapiečanuju bulbu. Niedachopam bulby ŭ racyjonie moža być toje, što z-za vysokaha ŭtrymańnia vuhlavodaŭ jana moža vyklikać prablemy z uzroŭniem cukru ŭ kryvi, tamu ludziam, chvorym na cukrovy dyjabiet, varta być asabliva ŭvažlivymi.

Bulba ŭ dyjabietyčnaj dyjecie

Rehularnaje ŭžyvańnie termična apracavanaj bulby, naprykład, bulby-fry, moža pavialičyć ryzyku dyjabietu, vysokaha kryvianoha cisku i sardečnych zachvorvańniaŭ. Ale kali zamianić porcyju bulby-fry porcyjaj advarnoj abo zapiečanaj bulby i pakinuć jaje astyvać (potym možna jašče raz razahreć), kruchmał, jaki tam źmiaščajecca, pieratvorycca va ŭstojlivy kruchmał — jon budzie zasvojvacca daŭžej, što aznačaje, što cukar budzie pastupać u kroŭ pavolniej.

Bulbu varta spałučać ź białkom — niatłustaj jałavičynaj, rybaj, kurycaj abo jajkam. Heta spałučeńnie dapamahaje praduchilić rezkija skoki cukru ŭ kryvi.

Bulba dla źnižeńnia chalesterynu

Klatčatka, kalij, vitaminy S i V6, jakija źmiaščajucca ŭ bulbie, taksama stanoŭča ŭpłyvajuć na padtrymańnie naležnaha ŭzroŭniu chalesterynu ŭ kryvi. Aptymalny ŭzrovień chalesterynu źnižaje ryzyku raźvićcia aterasklerozu. Uklučeńnie ŭ racyjon advarnoj bulby stanoŭča paŭpłyvaje na kryvianosnyja sasudy i moža źnizić ryzyku sardečnych zachvorvańniaŭ.

Bulba dla zabieśpiačeńnia arhanizma žalezam

Daśledavańnie navukoŭcaŭ z Oksfardskaha ŭniviersiteta pakazała, što bulba źjaŭlajecca sapraŭdy dobraj krynicaj žaleza dla našaha arhanizma. Jany vyjavili, što žaleza, jakoje źmiaščajecca ŭ ježy z bulby (u roznych kambinacyjach), pakryvaje 33 pracenty sutačnaj patrebnaści ŭ žalezie dla žančyn dzietarodnaha ŭzrostu.

Bulba, kab palepšyć pamiać i kancentracyju

U adnoj vialikaj bulbinie źmiaščajecca kala 57 mh chalinu, jaki padtrymlivaje pamiać i kancentracyju. Darosłyja mužčyny pavinny atrymlivać 550 mh, a darosłyja žančyny — 425 mh chalinu za dzień. Užyvańnie varanaj abo zapiečanaj bulby moža stanoŭča paŭpłyvać na pamiać i kancentracyju ŭvahi.

Kali advarnaja bulba pazityŭna ŭpłyvaje na naša zdaroŭje, to smažanaja ŭ fryciury pryniasie nam bolš škody, čym karyści. Daśledavańni pakazali, što ŭžyvańnie bulby, smažanaj u fryciury, a taksama inšych straŭ, pryhatavanych takim čynam, moža ŭpłyvać na paharšeńnie kancentracyi ŭvahi, pamiaci i ŭzmacniać zapalenčyja reakcyi ŭ mozhu.

• 52
• 0
• 2
• 4
• 5
• 1
• 16
• 0