Pryčyny, pavodle jakich vyzvalili piensijanierku, nieviadomyja. Jana była zatrymanaja ŭ červieni 2021 hoda i ŭ lutym hetaha hoda asudžanaja na 2,5 hoda kałonii.
Žančynu sudzili za šerah kamientaryjaŭ, jakija, jak śćviardžajecca, niehatyŭna i źniavažliva aceńvali Łukašenku, a taksama źnievažali jaho honar i hodnaść.
Paciarpiełymi vystupili staršynia Vałkavyskaha rajvykankama Michaił Sićko (adziny, chto nie zajaviŭ iski na kampiensacyju maralnaj škody), milicyjantki AMAP Hrodzienskaha UUS Darja Bandarčuk i Maryja Mazurkievič (zajavili iski pa 1000 rubloŭ), načalnik PPS Vałkavyskaha RAUS Valeryj Ramančyk (isk — 1500 rubloŭ), načalnik Vaŭkavyskaha RAUS Vital Asocki (isk — 1500 rubloŭ).
Taksama, zhodna z abvinavačvańniem, jana ździejśniła paklop u dačynieńni da byłoha načalnika HUBAZiKa Mikałaja Karpiankova, eks-ministra MUS Juryja Karajeva, eks-kiraŭnicy administracyi Natalli Kačanavaj, a taksama milicyjantki roty PPS Frunzienskaha RAUS Minska Vałujskaj, adnak jany admovilisia pisać zajavy, pavodle jakich musiać być zaviedzienyja kryminalnyja spravy.
Halina Ivanaŭna ŭ apošnim słovie kazała, što pazbaŭleńnie voli stanie dla jaje śmiarotnym prysudam, adnak sudździa Andrej Tałočka pryznačyŭ joj 2,5 hoda kałonii.
Ciapier čytajuć
18‑hadovy były palitviazień raskazaŭ, što jon svajak Cichanoŭskaj. Jaho zatrymali, kali jon jechaŭ vajavać za Ukrainu2
Kamientary