Supracoŭnik Russia Today Kanstancin Prydybajła prapanavaŭ sadžać za telehram-kanały ŭ Rasii pa biełaruskim prykładzie
Prapahandyst prapanavaŭ abjavić ekstremisckimi apazicyjnyja rasijskija telehram-kanały i sadžać za padpisku na ich.

«Prapanuju Miniustu pierahledzieć śpis ekstremisckich materyjałaŭ. Nadyšoŭ čas unosić tudy telehram-kanały. Za reposty adtul — artykuł. Pryniali na chulihanstvie, kradziažy ci «prateście» — ahlad telefona, padpiska na čat ci kanał sa śpisu — artykuł da 15 sutak», — tak prapahandyst adreahavaŭ na błakiroŭku praŭładnych biełaruskich i rasijskich telehram-kanałaŭ, u tym liku jahonaha.
Paśla vybaraŭ-2020 Prydybajła pryjazdžaŭ u Minsk vučyć biełaruskich «kaleh», jak vyrablać samuju brydkuju prapahandu, ale ciapier prapanuje ŭziać u Rasii na ŭzbrajeńnie biełaruskuju praktyku pakarańniaŭ za padpiski i reposty, jakuju ŭ Rasii pakul jašče nie vykarystoŭvajuć.
Kamientary