Urad admianiŭ licenzavańnie na vyvaz cukru i zabaraniŭ vyvozić hrečku dy muku
Premjer-ministr Raman Hałoŭčanka padpisaŭ pastanovu ab admienie licenzavańnia na ekspart cukru, uviedzienaha ŭ lutym hetaha hoda. Ale zabaronu vyvozić hrečku i muku praciahnuŭ.
Pavodle infarmacyi pres-słužby ŭrada, admieniena licenzavańnie ŭ suviazi z:
- stabilizacyjaj situacyi i likvidacyjaj dysparytetu cenaŭ na cukar na ŭnutranym i źniešnim rynkach;
- pačatkam siezonu pierapracoŭki cukrovych burakoŭ uradžaju 2022 hoda i dastatkovaść resursaŭ;
- nieabchodnaściu cukrapierapracoŭčych zavodaŭ bolš apieratyŭna pravodzić pracu pa adhruzcy cukru pa ekspartnych kantraktach.
Pastanova ŭstupaje ŭ siłu paśla jaje aficyjnaha apublikavańnia.
U toj ža čas jašče na try miesiacy praciahnutaja zabarona na vyvaz za miežy Biełarusi krupaŭ z hrečki, hračanaha ziernia, hatovych charčovych praduktaŭ z hrečki i pšaničnaj muki. Tłumačycca heta patrebaj abarony ŭnutranaha rynku.
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary