Урад адмяніў ліцэнзаванне на вываз цукру і забараніў вывозіць грэчку ды муку
Прэм'ер-міністр Раман Галоўчанка падпісаў пастанову аб адмене ліцэнзавання на экспарт цукру, уведзенага ў лютым гэтага года. Але забарону вывозіць грэчку і муку працягнуў.
Паводле інфармацыі прэс-службы ўрада, адменена ліцэнзаванне ў сувязі з:
- стабілізацыяй сітуацыі і ліквідацыяй дыспарытэту цэнаў на цукар на ўнутраным і знешнім рынках;
- пачаткам сезону перапрацоўкі цукровых буракоў ураджаю 2022 года і дастатковасць рэсурсаў;
- неабходнасцю цукраперапрацоўчых заводаў больш аператыўна праводзіць працу па адгрузцы цукру па экспартных кантрактах.
Пастанова ўступае ў сілу пасля яе афіцыйнага апублікавання.
У той жа час яшчэ на тры месяцы працягнутая забарона на вываз за межы Беларусі крупаў з грэчкі, грачанага зерня, гатовых харчовых прадуктаў з грэчкі і пшанічнай мукі. Тлумачыцца гэта патрэбай абароны ўнутранага рынку.
Цяпер чытаюць
«Ёсць у Беларусі людзі, якім не падабаецца расійскі сцяг, савецкі сцяг». Расіяніну на BMW Х7 з нямецкімі нумарамі пашкодзілі аўто ў Мінску5
Каментары