«U pieršym šerahu stajali try mieksikanskija dziaŭčyny ŭ vielmi maleńkim adzieńni — stromna było iści ŭ hatel adnamu»
Basist papularnaha biełaruskaha hurta «Mołčat doma» i chałaściak Pavieł Kazłoŭ raskazaŭ u padkaście «Paŭhadziny kardyja», dzie samyja šalonyja fanatki, jakija dziaŭčaty jamu padabajucca i ci jość u muzykaŭ seks u tury.
Chłopiec zhadvaje, što pieršym časam, kali hurt staŭ papularnym, karystaŭsia svaim statusam muzyki pry znajomstvie ź dziaŭčatami.
«Ale takoha nie było što, «Ja basist z «Mołčat doma» — i trusiki źlatajuć», — žartuje Pavieł.
«Mnie padabajucca chudyja dziaŭčaty, z pryhožymi rukami, chudymi palcami, klučycami jarka vyjaŭlenymi i chudymi nahami — heta pieršaje, na što ja źviartaju ŭvahu», — dzielicca basist.
Ale padčas hastrolaŭ u muzykaŭ času na asabistaje žyćcio nie zastajecca.
«Absalutna niama seksu ŭ tury», — kaža Pavieł.
U jakoj krainie samyja pryhožyja dziaŭčaty, skazać składana. Bo čym bolš ciahniecca tur i raście seksualnaje napružańnie, śmiajecca basist, tym pryhažejšymi zdajucca naviednicy kancertaŭ.
A voś samyja šalonyja fanatki ŭ hurta, pa nazirańniach Paŭła, — u Łacinskaj Amierycy.
«Jany tam zusim krejzi. Adnojčy ŭ pieršym šerahu, trymajučysia uvieś kancert za aharodžu, stajali try mieksikanskija dziaŭčyny vielmi vialikich pamieraŭ u vielmi maleńkim adzieńni — krychu stramnavata było. Jany hladziać na ciabie i vielmi chočuć čahości. Dumaješ: strašna, u hatel ja nie pajdu adzin paśla kancerta».
Pavieł raić: kali dziaŭčyna žadaje paznajomicca z muzykam, lepš zacikavić jaho ščyraj razmovaj, a nie dabivacca z krykam «ja chaču ciabie».
«U Dublinie niejak dziaŭčyna trymała ŭvieś kancert telefon z nadpisam «I wanna be your groupi» [Chaču być fanatkaj, jakaja jeździć uśled za hrupaj pa hastrolach], a ja na scenie dumaŭ: blin, čuvicha, u nas niama miesca ŭ mašynie. I ź vizami što, ty pradumała?»
«Muzyka — heta maja luboŭ, jakaja dakładna nie zdradzić», — kaža basist.
«Kubło takoje». Ź pierapisak Kabančuka robicca jasna, čamu Vieramiejčyka paličyli niebiaśpiekaj i zabaranili jamu ŭjezd va Ukrainu34
Kamientary