Vydaviec Brodskaha patłumačyŭ, čamu «Baładu pra maleńki buksir» pryznali ekstremisckaj
Vydaviec Andrej Januškievič vykazaŭsia adnosna pryznańnia «ekstremisckaj» čarhovaj, užo treciaj knihi z vydadzienych u jahonym vydaviectvie. Hetym razam pad represii patrapiła dziciačaja knižka nobieleŭskaha łaŭreata Iosifa Brodskaha «Bałada pra maleńki buksir». A pryčyna, pa jakoj hubazikaŭcy hetym vydańniem zacikavilisia, niečakanaja.
«Kali 16 traŭnia hubazikaŭcy pryjšli ŭ «Knihaŭku» i pačali kanfiskoŭvać knihi, ja zapytaŭsia ŭ hałoŭnaha načalnika, što nie spadabałasia ŭ knizie nobieleŭskaha łaŭreata. Dziciačy vierš apublikavany ŭ 1962 hodzie, tekst nie maje nijakaha dačynieńnia da Biełarusi… U adkaz ja pačuŭ, što padazronaj źjaŭlajecca afarboŭka buksira na ilustracyjach (?!).
Za ŭvieś čas ni mnie, ni kamuści, chto mieŭ dačynieńnie da vychadu, navat dumka nie prychodziła asacyjavać vyjavy buksira ciomna-aranžavaha koleru z našymi nacyjanalnymi simvałami. Takich dumak, navat žartam, nie vykazvaŭ nichto z našych pakupnikoŭ. Nie bačyŭ ja ich i ŭ sacsietkach. Pieršym, chto ŭbačyŭ u malunkach pahrozu dla biełaruskaha režymu, byŭ vyšejzhadany hubazikaviec.
Zdavałasia, na hetaj niedarečnaści historyja pavinna zakončycca. Ale ž praściej zhańbicca na ŭvieś śviet…
Paranoja narastaje», — adznačyŭ vydaviec.
Čytajcie taksama:
U Biełarusi pryznali «ekstremisckimi» dziciačuju knihu Iosifa Brodskaha i vydańnie «Ajčyna. Malaŭničaja historyja»
-
Usio zdaryłasia na Novy hod. Śmierć samaj publičnaj supracoŭnicy minskaha AMAPa dahetul pakidaje pytańni
-
Chalezin: Samyja vialikija hanieńni na Svabodny teatr byli pry Łatušku. Ale jamu nie treba kajacca pierada mnoju
-
Ci mohuć nie puścić u kramu za 5 chvilin da zakryćcia i da jakoha času pavinny pracavać kasirki
Usio zdaryłasia na Novy hod. Śmierć samaj publičnaj supracoŭnicy minskaha AMAPa dahetul pakidaje pytańni7
Kamientary
priznajem, a? On žie BČB, a v pieśnie «Čunha-čanha» opriedielenno słyšitsia «Pahonia»...