Jak piša Bloomberg, za pieršyja vosiem miesiacaŭ 2022 hoda Armienija impartavała ź ES bolš pralnych mašyn, čym za apošnija dva hady, razam uziatyja, a Kazachstan kupiŭ chaładzilnikaŭ na $21,4 miljona, što ŭ try razy bolš, čym za anałahičny pieryjad minułaha hoda.
Akramia taho, abiedźvie krainy pavialičyli impart elektryčnych małakaadsosaŭ: Armienija kupiła amal u try razy bolš takich pryład, a popyt u Kazachstanie vyras ažno na 633%. Bloomberg adznačaje, što heta adbyvajecca na fonie źnižeńnia naradžalnaści ŭ hetych krainach.
Adnačasova z rostam impartu rastuć pastaŭki z Armienii i Kazachstana ŭ Rasiju. Aficyjnyja asoby nie adkazali na zapyty dać kamientar.
Bloomberg dapuskaje, što Rasija moža zakuplać bytavuju techniku ŭ krainach — udzielnicach Jeŭrazijskaha ekanamičnaha sajuza, kab dać rady deficytu takoj techniki na ŭnutranym rynku. Pa inšaj viersii, rasijskija kampanii mohuć raźbirać nabytuju techniku i vykarystoŭvać kampanienty i paŭpravadniki ŭ cyvilnaj vytvorčaści.
Jeŭrapiejskija čynoŭniki zaniepakojenyja tym, što niekatoryja tavary i ich kampanienty možna vykarystoŭvać u vajennych metach. Adzin z čynoŭnikaŭ adznačyŭ, što rasijskija vajskoŭcy časta krali bytavuju techniku va Ukrainie, ale niezrazumieła, jak šmat techniki pajšło na dziaržaŭnyja patreby.
Kamientary