Usie mierapryjemstvy častkovaj mabilizacyi ŭ Rasii spynienyja, paviedamiła 31 kastryčnika pres-słužba Minabarony Rasii.
«Padrychtoŭka i ŭručeńnie pozvaŭ spyniajucca. Učastki i štaby apaviaščeńnia, punkty zboru hramadzian vajennych kamisaryjataŭ, a taksama vydzielenyja rašeńniami orhanaŭ vykanaŭčaj ułady subjektaŭ RF budynki i zbudavańni, jakija vykarystoŭvalisia dla mierapryjemstvaŭ častkovaj mabilizacyi, padlahajuć vyzvaleńniu dla funkcyjanavańnia abo vykarystańnia pa raniejšym pryznačeńni», — udakładnili ŭ Minabarony.
Usiamu asabovamu składu vajennych kamisaryjataŭ, zadziejničanamu dla zabieśpiačeńnia častkovaj mabilizacyi, zahadana viarnucca z 31 kastryčnika da vykanańnia svaich abaviazkaŭ u štatnym režymie.
«U dalejšym praca vajennych kamisaryjataŭ pa kamplektavańni Uzbrojenych sił Rasii budzie arhanizavanaja tolki za košt pryjomu dobraachvotnikaŭ i kandydataŭ dla prachodžańnia vajskovaj słužby pa kantrakcie», — udakładnili ŭ pres-słužbie rasijskaha vajennaha viedamstva.
«Častkovaja mabilizacyja» ŭ Rasii išła bolš za miesiac, Uładzimir Pucin abviaściŭ jaje ranicaj 21 vieraśnia. A 28 kastryčnika ministr abarony Siarhiej Šajhu paviedamiŭ rasijskamu prezidentu, što patrebnyja 300 000 užo nabranyja i novych zadańniaŭ vajenkamatam davać pakul što nie płanujecca.
U toj ža čas pakul nie paviedamlajecca, ci jość adnosna zakančeńnia mabilizacyi aficyjny ŭkaz Pucina.
Taćciana Zareckaja bolš nie estonskaja startapierka. Ciapier jana sprabuje stać pasiarednicaj inviestaraŭ u Saudaŭskaj Aravii25
Kamientary