U Minsku sudziać namieśnika dyrektara «Haraŭtamosta» za abvalvańnie mosta na Niamizie
Sud Centralnaha rajona stalicy pačaŭ razhlad kryminalnaj spravy ab abrušeńni častki puciepravoda na vulicy Niamiha. Abvinavačanym pa spravie źjaŭlajecca dyrektar «Haraŭtamosta», piša «Sputnik».
Častka mosta na Niamizie ŭ Minsku abrynułasia ŭ noč z 7 na 8 studzienia 2022 hoda.
Rasśledavańnie spravy ciahnułasia bolš za paŭhoda, u vieraśni Hienieralnaja prakuratura nakiravała ŭ sud spravu, zaviedzienuju ŭ dačynieńni da namieśnika dyrektara «Haraŭtamosta».
«Fihurant spravy abvinavačvajecca ŭ słužbovaj chałatnaści», — paviedamili ŭ sudzie.
Jak vynikaje z materyjałaŭ spravy, čynoŭniku vystaŭlena abvinavačvańnie ŭ tym, što jon nie vykanaŭ i nienaležnym čynam vykanaŭ svaje słužbovyja abaviazki z pryčyny niesumlennaha i niadbajnaha staŭleńnia da słužby. Heta, pa viersii śledstva, paciahnuła abvalvańnie piešachodnaj častki puciepravoda pa praśpiekcie Pieramožcaŭ praz vulicu Bahdanoviča ŭ Minsku.
Na stadyi papiaredniaha śledstva da abvinavačvanaha była prymieniena miera strymańnia ŭ vyhladzie padpiski ab niavyjeździe i naležnych pavodzinach. Pry nakiravańni spravy ŭ sud prakuror pakinuŭ hetuju mieru strymańnia.
«Aznačeńnie Biełarusi jak vypalenaj ziamli mnie nie padabajecca». Manałoh biełarusa, jaki niadaŭna źjechaŭ z krainy5
Kamientary