Minski haradski sud 11 listapada razhledzieŭ spravu palitźniavolenaj sacyjalnaj aktyvistki ź Minska Anastasii Kuchta. Sudździa Valancina Ziańkievič ahučyła prysud: piać hadoŭ pazbaŭleńnia voli ŭ kałonii ahulnaha režymu, paviedamlaje Viasna.
Spravu razhladali bolš za miesiac — z 10 kastryčnika.
Aktyvistku pryznali vinavataj pavodle troch artykułaŭ Kryminalnaha kodeksa: art. 342 (Aktyŭny udzieł u dziejańniach, jakija hruba parušajuć hramadski paradak); č. 3 art. 361 (Zakliki da mier abmiežavalnaha charaktaru (sankcyj), inšych dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś); č. 1 art. 361-1 (Stvareńnie ekstremisckaha farmiravańnia abo ŭdzieł u im).
Za kratami dziaŭčynu ŭtrymlivajuć bolš za siem miesiacaŭ. Anastasiju Kuchta zatrymali 17 lutaha i spačatku asudzili na 15 sutak za «drobnaje chulihanstva».
Kamientary