«Kupałaŭcy» ŭ čaćvier pakažuć novy śpiektakl. Dzie i jak jaho možna pahladzieć
24 listapada na YouTube-kanale niezaležnaj teatralnaj hrupy «Kupałaŭcy» adbudziecca premjera śpiektakla «Ramantyka» pavodle Adama Mickieviča ŭ pastanoŭcy režysiora Mikałaja Pinihina.
Afłajn-pakazy śpiektakla adbylisia ŭ kastryčniku ŭ Teatry Polskim (Varšava). Pastanoŭka stała vynikam letniaj rezidencyi, dla raskidanych pa śviecie kupałaŭcaŭ heta była mahčymaść tvorčaj sustrečy i pracy nad novym śpiektaklem.
24 listapada a 19:00 «Ramantyka» dałučajecca da kupałaŭskaha anłajn-repiertuaru i budzie dastupnaja da prahladu pa ŭsim śviecie.
Asnova śpiektakla — pieršy paetyčny zbornik słavutaha paeta, uradženca Biełarusi Adama Mickieviča. «Bałady i ramansy» — heta manifiest i pačatak epochi polskaha ramantyzmu i ramantyzmu naohuł na ziemlach kolišniaj Rečy Paspalitaj.
Scenar i režysura — Mikałaj Pinihin. Chareahrafija — Piotr Čubovič.
Kamientary