U sudzie Puchavickaha rajona vynieśli druhi prysud u adnosinach da palitźniavolenaha doktara-nieŭrołaha Alaksandra Cialehi. Napačatku hoda jaho ŭžo asudzili ŭ Hrodnie da čatyroch hadoŭ pazbaŭleńnia voli za 32 kamientary ŭ adnosinach da sudździaŭ, čynoŭnikaŭ, siłavikoŭ. Palitviaźnia ŭžo nakiravali adbyvać termin u babrujskuju kałoniju № 2, ale suprać jaho znoŭ zaviali kryminalnuju spravu za kamientary — u adnosinach da vajskoŭca, jaki zastreliŭ u žniŭni 2020 hoda bieraściejca Hienadzia Šutava, piša «Viasna».
Ciapier doktara sudzili ŭ Marjinaj Horcy — mienavita tam raźmiaščajecca vajskovaja čaść № 89417 sił śpiecyjalnych apieracyj, u jakoj słužyŭ hety vajskoviec. Jon, jak i pa spravie suprać palitviaźnia Alaksandra Kardziukova i zahinułaha Hienadzia Šutava, prachodziŭ na hetym pracesie paciarpiełym.
Alaksandr Cialeha pracavaŭ u rasijskim Narylsku, a viasnoj 2021 hoda pryjechaŭ u rodny Barysaŭ u adpačynak, dzie i byŭ zatrymany. Jon byŭ zatrymany za 32 kamientary, jakija kvalifikavali jak abrazy i pahrozy ŭ adnosinach da sudździaŭ, čynoŭnikaŭ i siłavikoŭ. Siarod ich — kamandzir minskaha AMAPa Dźmitryj Bałaba, pamočnica prakurora Frunzienskaha rajona Minska Alina Kaśjančyk, sudździa suda Frunzienskaha rajona Minska Maryja Jarochina, namieśnik hienprakurora Alaksiej Stuk.
1 listapada nad palitviaźniem adbyŭsia novy praces u sudzie Puchavickaha rajona. Jaho sudzili ŭ adkrytym režymie za staryja kamientary pavodle art. 369 (abraza pradstaŭnika ŭłady) i č. 1 art. 366 (pahroza hvałtam u adnosinach da słužbovaj asoby). Kamientary tyčylisia vajskoŭca z čaści № 89417 sił śpiecyjalnych apieracyj Ramana Haŭryłava, jaki streliŭ u bieraściejca Hienadzia Šutava 11 žniŭnia 2020 hoda, i toj zahinuŭ.
Ciapier spravu razhladała sudździa Volha Babuk. Viadoma, što prakuror zaprašvaŭ dla Cialehi pa novych epizodach jašče paŭhoda pazbaŭleńnia voli. U vyniku sudździa pryznačyła jamu stolki — na ahulny termin heta nie paŭpłyvała. Alaksandr padaŭ apielacyjnuju skarhu. Suda pa joj jon budzie čakać u žodzinskaj turmie.
Hetaja dziaŭčyna vyjšła ŭ centry Hrodna z płakatam «Nie vajnie». Jana raskazała, što pieražyła paśla13
Kamientary