Łukašenka raskazaŭ, jak ratavaŭ ad kavidu zahadkavuju žančynu sa Škłova
Łukašenka papiaredziŭ ministra zdaroŭja Dźmitryja Pinieviča, što ŭ najbližejšy čas budzie stvorana mabilnaja hrupa «absalutna niezaležnych ad jaho ludziej, śpiecyjalistaŭ, jakija pravierać i sistemu achovy zdaroŭja, i vybaračna niečakana pravierać balnicy».
Jon raspavioŭ historyju pra žančynu, jakaja pieršapačatkova trapiła ŭ balnicu ŭ Škłoŭskim rajonie i znachodziłasia pry śmierci. Dziakujučy ŭmiašańniu Łukašenki jaje ŭdałosia vyratavać, i ciapier užo jaje žyćciu ničoha nie pahražaje.
«U škłoŭskaj balnicy ja jaje praktyčna vyciahnuŭ z morha. Siońnia jana adklučanaja ad aparata ŠVŁ. Dynamika, kažuć, daj boh, kab tak i dalej było, niadrennaja», — adznačyŭ Alaksandr Łukašenka.
«Paŭstaje pytańnie, Dźmitryj Leanidavič, ci troški vas paniesła ŭ sistemie i vas jak ministra i vy lečycie tolki tam, dzie treba lačyć? Ci vy budziecie lačyć ludziej tak, jak ja ad vas zaŭsiody patrabavaŭ? Mianie heta vielmi naściarožvaje. Načalniki, jašče chtości… Voś tut vy lečycie. A ludzi bolš prostyja, dzieści tam u niejkich rajonnych balnicach… Nu jość tam FAP. Chodzić fielčar. Jajka daduć, vypić sto hram daduć, jak u byłyja časy, ja heta naziraŭ, dobra. Nie — ničoha», — skazaŭ Łukašenka.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary