Sud Litvy admoviŭsia adnaŭlać spravu pa tranzicie «Biełaruśkalija»
Adnavić spravu prasiŭ «Biełaruśkalij». Pa słovach pradstaŭnika Hałoŭnaha administracyjnaha suda Litvy (HASŁ) Nierynhi Łukašavičenie, na minułym tydni sud admoviŭsia adnavić vytvorčaść pa spravie, i jana nie moža raskryć pryčyny takoha rašeńnia, tak jak sprava słuchałasia ŭ zakrytym režymie, piša Delfi.lt.
U červieni HASŁ zajaviŭ, što zaklučeńnie kaardynacyjnaj kamisii pa achovie abjektaŭ, važnych dla nacyjanalnaj biaśpieki, i pastanova ŭrada ab tym, što damova pamiž Lietuvos gelezinkeliai i «Biełaruśkalijem» nie adpaviadaje intaresam nacyjanalnaj biaśpieki, źjaŭlajucca abhruntavanymi i zakonnymi.
«Biełaruśkalij», uklučany ŭ sankcyjnyja śpisy ZŠA i Jeŭrasajuza, u studzieni abskardziŭ u sudzie rašeńni ŭrada i kamisii, zhodna ź jakimi Lietuvos gelezinkeliai zahadvałasia skasavać doŭhaterminovy kantrakt z «Biełaruśkalijem» na tranzit uhnajeńniaŭ apošniaha praź Litvu z 1 lutaha, tak jak heta nie adpaviadaje intaresam biaśpieki krainy.
Tranzit uhnajeńniaŭ «Biełaruśkalija» praź Litvu praciahvaŭsia amal try miesiacy paśla taho, jak 8 śniežnia minułaha hoda ŭstupili ŭ siłu sankcyi ZŠA suprać kampanii. Hety tranzit ad miažy ź Biełaruśsiu da Kłajpiedskaha porta ažyćciaŭlaŭsia bolš za dziesiać hadoŭ i, zhodna z kantraktam, pavinien byŭ praciahvacca da kanca 2023 hoda.
Kampanija pa čyhunačnych hruzapieravozkach LTG Cargo transpartavała kala 11 młn ton uhnajeńniaŭ «Biełaruśkalija» na hod, jakija ŭ Kłajpiedskim porcie prachodzili praz terminał Biriu kroviniu terminalas, padkantrolny biznesmienu Iharu Udavickisu i «Biełaruśkaliju».
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?1414
Kamientary