U druhi dzień raptoŭnaj pravierki bojehatoŭnaści da jaje pačynajuć pryciahvać novyja čaści i złučeńni Uzbrojenych sił Biełarusi. Tak, padraździaleńni sił nieadkładnaha reahavańnia z sastavu 11-j (Słonim) i 19-j (Zasłonava, Lepielski rajon) miechanizavanych bryhad atrymali zadačy ździejśnić marš na palihony US RB, u tym liku ź pieraadoleńniem vodnych pieraškod.
Ad 11-j bryhady da pravierki pakul pryciahnutyja 2 tankavyja roty 7 asobnaha tankavaha bataljona — heta minimum 20 tankaŭ T-72B US RB, źviartaje ŭvahu «Biełaruski Hajun».
Padraździaleńni pavinny buduć ździejśnić marš z punkta pastajannaj dysłakacyi na palihon «Hožski» ŭ Hrodzienskim rajonie (ź pieraadoleńniem vodnaj pieraškody, chutčej za ŭsio — u Lidskim rajonie). Viadoma, što padraździaleńnie było padniataje pa tryvozie siońnia ŭ 3:00 (pa minskim časie).
Akramia hetaha, jość infarmacyja, što da pravierki buduć pryciahnutyja:
— 40-vy asobny miechanizavany bataljon 11 ambr,
— 105-ty asobny miechanizavany bataljon 11 ambr,
— inžynierna-sapiorny bataljon 11 ambr.
Pra pačatak ruchu nazvanych padraździaleńniaŭ z punkta pastajannaj dysłakacyi pakul nie paviedamlałasia.
Kamientary