Siońnia dziesiać Dziedaŭ Marozaŭ addali ŭ prakuraturu zajavu z čystasardečnym pryznańniem ab parušeńni artykuła 193.1 Kryminalnaha kodeksu Respubliki Biełaruś.
Asacyjacyja Dziadoŭ Marozaŭ zdałasia ŭ orhany justycyi z čystasardečnym pryznańniem u dziejnaści ad imia niezarehistravanaj hramadskaj arhanizacyi.
Siońnia dziesiać Dziedaŭ Marozaŭ addali ŭ prakuraturu zajavu z čystasardečnym pryznańniem ab parušeńni artykuła 193.1 Kryminalnaha kodeksu Respubliki Biełaruś. U zajavie napisana, što arhanizacyja ciaham niekalkich hadoŭ ažyćciaŭlaje nastupnuju dziejnaść: arhanizoŭvaje śviatkavańni Kaladaŭ i Novaha hodu ŭ roznych nasielenych punktach Biełarusi, raspaŭsiudžvaje kaladnyja i navahodnija padarunki (u tym liku siarod niepaŭnahadovych), vystupaje na schodach, a taksama ŭ drukavanych dy inšych srodkach masavaj infarmacyi ź vinšavańniami i najlepšymi pažadańniami.
Dziadoŭ Marozaŭ pryniali ŭ prakuratury nie biez ździŭleńnia. Da ich vyjšaŭ prakuror i pravieryŭ, kab usie było pravilna napisana. Ciapier Dziady Marozy na praciahu miesiaca čakajuć adkazu i pravavoj acenki svajoj «čornaj dziedamarozavaj spravy».
«Ja dumaju na Novy hod my budziem ci vinšavać dziaciej jak i raniej, — kaža adzin ź Dziedaŭ Marozaŭ Pavał Levinaŭ, pradstaŭnik BCHK,
— ci dzieci buduć vinšavać nas na Akreścina, čaho nam, kaniešnie, nie chaciełasia b».
Akcyja adbyłasia ŭ miežach kampanii «Stop 193.1!», inicyjavanaj Asamblejaj NDA Biełarusi. Arhanizatary akcyi daviali da absurdu pałažeńni artykułu kryminalnaha zakanadaŭstva, jaki praduhledžvaje pakarańnie za ŭdzieł u «niezarehistravanaj arhanizacyi». Jany imknulisia pakazać, što pavodle artykułu 193.1 možna abvinavacić lubuju hrupu ludziej. I navat Dziadoŭ Marozaŭ.
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava15
Kamientary