WSJ: Paplečniki Pucina chavajuć ad jaho drennyja naviny pra vajnu va Ukrainie
Uładzimir Pucin nie vałodaje dakładnaj infarmacyjaj ab stanoviščy rasijskaj armii va Ukrainie, bo jaho najbližejšaje atačeńnie i siłaviki chavajuć ad prezidenta «niepryjemnyja» detali, piša vydańnie The Wall Street Journal.
Vysnovy žurnalistaŭ zasnavanyja na niekalkich miesiacach znosinaŭ ź dziejnymi i adstaŭnymi funkcyjanierami i vyviednikami ŭ Rasii i na Zachadzie, a taksama z «ludźmi, blizkimi da Kramla».
Pavodle krynic WSJ, Pucin atrymlivaje piśmovuju zvodku z frontu kožnuju ranicu, adnak, pa-pieršaje, akcent u joj zaŭsiody robicca na pośpiechach, a niaŭdačy zhładžvajucca, a pa-druhoje, jana časam spaźniajecca na niekalki dzion, pakolki prachodzić praź filtry FSB, Rady Biaśpieki i asabista jaje kiraŭnika Mikałaja Patrušava.
Apošnim časam Pucin, jak adznačaje WSJ, staŭ krychu bolš cikavicca realnaj karcinaj vajny, adnak «jon pa-raniejšamu akružany administracyjaj, jakaja padtrymlivaje ŭ im pierakananaść u tym, što Rasija pieramoža, niahledziačy na ŭsie čałaviečyja i ekanamičnyja straty».
«Pa słovach byłych rasijskich čynoŭnikaŭ i ludziej, blizkich da Kramla, Pucin poŭny rašučaści prycisnuć Ukrainu da paznohcia i hatovy dziela hetaha na hady mabilizavać nasielnictva i ekanomiku Rasii», — piša WSJ.
U svaju čarhu, pres-sakratar prezidenta RF Dźmitryj Piaskoŭ u kamientary vydańniu nazvaŭ vysnovy ab niedaśviedčanaści Pucina ab realnaj situacyi na froncie «pustymi domysłami». «Lubyja śćviardžeńni ab tym, što jon atrymlivaje skažonuju infarmacyju, nie adpaviadajuć rečaisnaści», — padkreśliŭ Piaskoŭ.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary