Źjavilisia padrabiaznaści novaj kryminalnaj spravy, zaviedzienaj suprać palitviaźnia Jurasia Ziankoviča, ab nibyta abrazie im pradstaŭnika ŭłady, piša «Viasna».
Jak piša dziaržaŭnaja hazieta «Minskaja praŭda», «Ziankovič u 2020—2021 hadach nieadnarazova z pačućcia pomsty ad svajho imia pakidaŭ abraźlivyja kamientary ŭ telehram-kanale, pryznanym ekstremisckim».
Takim čynam Ziankovič niby chacieŭ pakazać u niepryhladnym śviatle milicyjanieraŭ Miadzielskaha rajona. Siarod «paciarpiełych» — try čałavieki.
Sudździa Alaksandr Šutko pa chadajnictvie dziaržabvinavačańnia zrabiŭ praces zakrytym.
Pavodle słoŭ advakata Ziankoviča, z boku abarony buduć zaprošany śviedki, nijakich dokazaŭ jahonaj viny niama.
«Nie viadomyja ni miesca, ni čas, ni toje, chto kankretna dasyłaŭ hetyja paviedamleńni. Heta ničym nie paćviaržajecca praktyčna. A ŭsie sumnievy pavinny traktavacca na karyść majho padabaronnaha. Padčas pasiadžeńnia jon nazvaŭ niekatorych ludziej, jakija mieli dostup da jaho hadžetaŭ. Plus, chto mieŭ dostup da jaho kampjutara ŭ ofisie, dzie byŭ ustalavany pracoŭny telehram. Daloka nie adzin čałaviek moh dasyłać ź jaho infarmacyju», — paviedamiŭ abaronca.
Ziankoviča asudzili 2 vieraśnia pa «spravie zmoŭščykaŭ» da 11 hadoŭ kałonii va ŭmovach uzmocnienaha režymu. Jon abvinavačvaŭsia pa č. 1 art. 357 KK (zmova z metaj zachopu dziaržaŭnaj ułady niekanstytucyjnym šlacham), č. 1 art. 361-1 KK (stvareńnie ekstremisckaha farmiravańnia i kiravańnie im), č. 3 art. 361 KK (publičnyja zakliki da zachopu dziaržaŭnaj ułady), č. 3 art. 130 KK (raspalvańnie sacyjalnaj varožaści).
Padčas śledstva Ziankovič, jak paviedamlałasia, adrazu zaklučyŭ pahadnieńnie sa śledstvam i supracoŭničaŭ ź im, ale heta, jak užo nie pieršy raz paćvierdziłasia, u łukašenkaŭskaj sistemie nie dapamahaje ni istotna źmiakčyć prysud, ni zaścierahčy siabie ad novaha pieraśledu pa nadumanych padstavach.
Čytajcie taksama:
Juryja Ziankoviča, jaki pajšoŭ na ździełku sa śledstvam, buduć sudzić pa novaj spravie
Ziankovič pryznaŭ vinu pa ŭsich punktach abvinavačvańnia i vybačyŭsia pierad astatnimi zatrymanymi
Ziankovič staŭ supracoŭničać sa śledstvam adrazu paśla zatrymańnia
Ciapier čytajuć
Fiodar Viktaravič i «Viktar Fiodaravič». Supracoŭnik «Varhiejminha» maje pašpart prykryćcia. Jaho žonka Volha Siamaška — viadomaja žurnalistka34
Kamientary