Mužčynie ciapier pahražaje kryminalnaja sprava.
53-hadovy Mikałaj Chacianovič — haradzieniec. U 1990 hodzie jon skončyŭ Ryžskuju vyšejšuju vajskovuju avijacyjnuju inžyniernuju vučelniu, ale paśla razvału SSSR pierapastupiŭ u Biełaruski dziaržaŭny politechničny instytut (ciapier BNTU) na śpiecyjalnaść «pramysłovaje i hramadzianskaje budaŭnictva». Asnoŭnaja praca mužčyny — inžynier-budaŭnik.
Ale z 2015 hoda jon paralelna zajmaŭsia miedyjacyjaj — urehulavańniem sprečak bakoŭ pa niekatorych vidach spraŭ pa-za sudom, jakoje, kali atrymałasia pryjści da zhody, zakančvajecca padpisańniem miedyjacyjnaj uhody (kali sprava ŭ sudzie, to sud zvyčajna pryznaje heta miravoj uhodaj).
U 2016 i 2017 hadach «Centr miedyjacyi i pieramoŭ» pryznavaŭ jaho «Najlepšym miedyjataram hoda».
Na 2020 hod Chacianovič vystupiŭ miedyjataram u bolš, čym 150 spravach, i bolš za 130 zdoleŭ urehulavać. Mikałaj taksama prasoŭvaŭ miedyjacyju jak mietad vyrašeńnia sprečak i zasnavaŭ prajekt pa ŭkaranieńni miedyjacyi ŭ sudach ahulnaj jurysdykcyi.
Mužčynu zaprašali sudździoj na niekalki konkursaŭ pa miedyjacyi, jon vystupaŭ na šmatlikich kanfierencyjach i navat adkryŭ ułasnuju «Škołu praktyčnaj miedyjacyi» pa svajoj aŭtarskaj mietodycy. U apošniaj jon prapanuje ŭsim achvotnym biaspłatna prajści kurs pa asnovach miedyjacyi.
Ciapier jaho zatrymali, pavodle słoŭ HUBAZiKa, za ŭdzieł u maršach za spraviadlivyja vybary ŭ 2020 hodzie i kamientary ŭ internecie.
«Naša Niva» — bastyjon biełaruščyny
PADTRYMAĆ
Ciapier čytajuć
Paśla vystupleńnia Łuhanskaha teatra ŭ Minsku adna z hladačak vyhuknuła «Słava Ukrainie!»3
Kamientary