Ivan Marozaŭ — adzin z najbolš viadomych biełaruskamoŭnych błohieraŭ u «nulavyja» i były aktyvist.
Ivanu 39 hadoŭ, raniej jon vioŭ błoh u Livejournal pad mianuškaj hondurazian. Mužčyna skončyŭ jurfak BDU, a paśla pajechaŭ vučycca na sacyjołaha ŭ Maskvu — ale nie skončyŭ. Paśla pracavaŭ raspracoŭščykam sajtaŭ, mieniedžaram u IT, taksama niekali byŭ pradprymalnikam.
Taksama Ivan byŭ aktyvistam roznych inicyjatyŭ — da prykładu, Zadzinočańnia biełaruskich studentaŭ i KCHP-BNF. U 2006 hodzie jaho zatrymali za ŭdzieł u paślavybarčych akcyjach i prysudzili 5 sutak aryštu, u 2011-m za «maŭklivyja» akcyi jon atrymaŭ jašče 10 sutak, a ŭ 2020 hodzie adbyvaŭ aryšt u Mahilovie.
Pra Ivana raspavioŭ jahony siabra:
«Janka kaliści byŭ adnym z pačynalnikaŭ biełaruskamoŭnaha ŽŽ u siaredzinie 2000-ch. Vielmi viadomy byŭ tam piersanaž.
U toj čas vakoł ŽŽ utvaryłasia vielmi mocnaje jadro, mnohija ludzi praciahvajuć kamunikavać pa siońnia. Janka na toj momant byŭ zaŭziatym paźniakoŭcam. Niejki niepraciahły čas uznačalvaŭ moładzievuju frakcyju KCHP-BNF. Ale potym pierajšoŭ da bolš centrysckich pazicyj.
Janka zachaplaŭsia afłajn-kvestami. Tady była strašna papularnaja ŭ Minsku «Schvatka», i jon pastajanny ŭdzielnik byŭ.
Pryncypova biełaruskamoŭny zaŭsiody, ale na videa HUBAZiKa jon razmaŭlaje čamuści pa-rusku — ci praź cisk siłavikoŭ, ci kab zachavać siabie. My šmat z kim z ahulnych znajomych pierapisvalisia, ale nichto nie viedaje pakul, kali zatrymlivali».
Miarkujučy pa videa siłavikoŭ, mužčynie zakidajuć udzieł u pratestach u 2020 hodzie. A taksama vidavočna žartaŭlivy kamientar pra toje, što jon atakavaŭ by chajmarsami śpiecnaz, kab jany stajali ŭ jaho haražy.
Ci zaviedzienaja suprać mužčyny kryminalnaja sprava — nieviadoma.
«Naša Niva» — bastyjon biełaruščyny
PADTRYMAĆČytajcie taksama:
Zatrymali biełarusa, jaki viarnuŭsia z-za miažy, — za kamientary z 2020 hoda. Raskazvajem, jak jaho znajšli
Zatrymali byłoha maderatara sietki «Kiroŭcy 97%», na jakoha nie mahli vyjści dva hady. Raspaviadajem, čaho jon nie ŭličyŭ
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć
U minskim mietro prachodziać vyprabavańni novyja ciahniki FOTY3
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju2020
Kamientary