U Minsku vykryli hrupu ludziej, jakija pad vyhladzie narkołahaŭ akazvali miedycynskija pasłuhi biez adukacyi i licenzii. Jany abiacali «vyvodzić z zapoju» i vykarystoŭvali nazvu adnoj z rasijskich klinik — z dazvołu jaje kiraŭnika, paviedamlaje Śledčy kamitet.
Jak vyśvietlili śledčyja, schiema dziejničała z 2021 hoda i pryniesła jaje ŭdzielnikam značny prybytak — u ahulnaj sumie bolš za 250 tysiač rubloŭ.
Pačałosia ŭsio z taho, što 34‑hadovy biełarus paśla lačeńnia ad narkazaležnaści ŭ Rasii atrymaŭ ad dyrektara toj kliniki prapanovu arhanizavać anałahičnyja «pasłuhi» ŭ Minsku. Miedycynskaj kvalifikacyi jon nie mieŭ, ale ŭziaŭsia za pracu i chutka znajšoŭ sabie naparnika — 36‑hadovaha žychara stalicy.
Prykryvajučysia nazvaj rasijskaj miedustanovy, jany raźmiaščali ŭ internecie ahresiŭnuju rekłamu, u jakoj abiacali ananimnaść, apieratyŭnaść i «harantavany vynik». Dla nadańnia vyhladu lehalnaści jany najmali miedrabotnikaŭ, ale ŭsie pracedury pravodzilisia faktyčna doma, biez abśledavańnia, nieabchodnych umoŭ i dazvołaŭ. Zaroblenyja hrošy dzialili pamiž tym, chto «lačyŭ», i arhanizatarami.
Praź niekatory čas adzin ź fihurantaŭ vyrašyŭ pracavać samastojna, kab nie dzialicca prybytkam. Ź viasny 2023‑ha da leta 2024 hoda jon paśpieŭ zarabić bolš za 120 tysiač rubloŭ, paśla čaho jaho dziejnaść spynili siłaviki.
Śledstva ŭstanaviła ŭsich udzielnikaŭ niezakonnaj schiemy. Abvinavačanyja pryznali vinu i viarnuli atrymanyja nielehalna srodki. Sud pryhavaryŭ adnaho ź ich da piaci hadoŭ pazbaŭleńnia voli ŭ kałonii ŭzmocnienaha režymu i štrafu ŭ 105 tysiač rubloŭ, a taksama zabaraniŭ zajmacca peŭnaj dziejnaściu na piać hadoŭ. Druhi atrymaŭ try hady pazbaŭleńnia voli z takoj ža zabaronaj.
Arhanizatar schiemy ciapier u vyšuku.
Machlary rassyłajuć navahodnija paštoŭki ź virusami
Z 1 vieraśnia biełarusy 191 raz pahareli na sprobach aformić vizy ci haračyja tury praz sacsietki
Machlary abduryli 87‑hadovuju piensijanierku na 100 tysiač rubloŭ
Biełarusam možna nie płacić pa kredytach, jakija aformili machlary. Voś u jakich vypadkach
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary
Lečienije po doktoru Łochovskomu