Abłava HUBAZiKa adbyłasia ŭ rajonie Čkałava—Varanianskaha. Što viadoma?
Niekalki krynic paviedamili «Našaj Nivie», što ŭ rajonie vulic Čkałava i Varanianskaha ŭ Minsku — u rajonie, jaki nazyvajuć «Čkałaŭskim» abo «rajonam Staroha Aeraporta», niekalki dzion tamu adbylisia zatrymańni.
Pieršuju infarmacyju pra zatrymańni «Naša Niva» atrymała 6 studzienia. Paśla my zdabyli i paćviardžeńnie hetaj infarmacyi.
Pa našych źviestkach, bolšaść zatrymanych — tyja, chto niekali byŭ u čatach mikrarajona. Adna z krynic paviedamiła nam pra 32 zatrymanych, ale my nie zmahli znajści druhoje paćviardžeńnie hetaj ličby. Ale dastavierna viadoma pra niekalkich zatrymanych, ale nie dziasiatki.
«U nas jość tolki infarmacyja pra niekalki zatrymanych na minułym tydni. Mahčyma, hetuju temu sprabujuć razdźmuć, kab zastrašyć aktyŭnych ludziej, — adkazali na zapyt «Našaj Nivy» ŭ bot kanała. — Inšaj infarmacyjaj ab masavych zatrymańniach my nie vałodajem. Dziakujem za zvarot da nas i pravierku infarmacyi. Razam da pieramohi!»
Čkałaŭski — heta rajon Minska, abmiežavany vulicami Čkałava, Mahiloŭskaj, Vaładźko i Aeradromnaj. Rupar aktyŭnaściaŭ rajona — kanał «Čkałaŭski | Infa-kanał». U 2020 hodzie hety rajon taksama hałasavaŭ za Cichanoŭskuju i vyłučaŭsia pratestavaj aktyŭnaściu. Tam prachodzili i dvaravyja maršy.
Viedajecie, što adbyłosia ŭ «Čkałaŭskim»? Pišycie redaktaru ŭ jaho asabisty Telegram-akaŭnt, na email [email protected] abo tym žurnalistam, jakich vy viedajecie asabista.
Nahadajem, niezadoŭha da hetaha adbyłasia abłava ŭ minskim mikrarajonie Čyžoŭka, padčas jakoj zatrymali nie mienš za dva dziasiatki čałaviek. Niekatorych zatrymanych bili.
Čytajcie taksama:
Čarhovaja abłava HUBAZiKa — hetym razam na žycharoŭ minskaj Čyžoŭki
Jak pačyścić telehram-boty, kab nie zastałosia nijakich śladoŭ VIDEA
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć
Ciapier čytajuć
Stała viadoma, što za amierykaniec niadaŭna byŭ vyzvaleny ź biełaruskaj turmy6
Kamientary