U prajekcie novaha ŭkaza prezidenta jość norma, jakaja dazvolić miedykam, što zajmajuć arendnaje žyllo, paśla 15 hadoŭ vykuplać jaho. Pra heta ministr zdaroŭja Dźmitryj Pinievič zajaviŭ na sustrečy ź miedrabotnikami Kaściukovickaj CRB.
Jon raskazaŭ, što pytańnie arendy žylla — prajekt ukaza — znachodzicca ŭ Administracyi Prezidenta. U prajekcie jość norma, jakaja dazvolić miedykam, što zajmajuć arendnaje žyllo, paśla 15 hadoŭ vykuplać jaho.
Raniej takuju schiemu vykupu arendnaha žylla anansavali dla vajskoŭcaŭ.
«Adsłužyŭ patrebnuju kolkaść hadoŭ, dapuścim, 25 pastanoŭlenych hadoŭ, — dziaržava pavinna zahadzia skazać: my hetamu čałavieku paśla 25 hadoŭ (kali jon sychodzić sa słužby, zvalniajecca ŭ zapas abo pa jašče niejkich abjektyŭnych pryčynach) biaspłatna addajom hetuju kvateru, žyllo ci jon 3% pavinien vypłacić, abo pa astatkavym košcie? Dumaju, što nam treba iści na heta radykalna», — kazaŭ Łukašenka.
Taksama Pinievič raskazaŭ, jakija navinki čakajucca ŭ hetym hodzie:
️— pavialičvajecca metavy nabor,
— źmianšacca płatny nabor,
— budzie źmieniena paśladypłomnaja padrychtoŭka,
— pavialičvajucca dapłaty za kvalifikacyjnyja katehoryi.
Taksama pačynajecca rabota pa sumiaščeńni prafiesij. Naprykład, terapieŭty pavinny vałodać funkcyjanalnaj dyjahnostykaj, akušery-hiniekołahi — UHD.
Łukašenka pra punkty propusku na miažy z Polščaj: Dy chaj choć apošni zakryjuć20
Kamientary