Natalla Chierše nakont pieramoŭ pra vyzvaleńnie palitviaźniaŭ: Nie dumaju, što hetaja inicyjatyva zychodzić ad samich palitviaźniaŭ
Eks-palitźniavolenaja Natalla Chierše praviała za kratami 17 miesiacaŭ i čatyry razy trymała haładoŭku. Ale vyjšła na volu dziakujučy ŭručeńniu kopij davierčych hramat šviejcarskimi dypłamatami. Što jana dumaje pra inicyjatyvu pieramovaŭ z łukašenkaŭcami nakont vyzvaleńnia palitviaźniaŭ?
«Kali ja była ŭ niavoli, viadoma, ja chacieła, kab heta ŭsio chutčej skončyłasia, ale dla mianie było važna, jak [jano skončycca]. Paśla hoda majho źniavoleńnia ja zrazumieła, što termin 2,5 hoda dla mianie całkam realny, i ja nastroiła siabie da hetaha maralna.
Dumaju, naŭrad ci hetaja inicyjatyva [pra pieramovy z režymam] zychodzić ad samich palitviaźniaŭ. Majo serca razam z palitviaźniami ŭ Biełarusi, ja viedaju, jak nievynosna ciažka być tam, ja viedaju, što ŭsie marać pra dzień zakančeńnia svaich pakut, ale nie luboj canoj. Tady sens pratestaŭ hublajecca, i dla čaho ŭvohule byŭ 2020 hod?!
Absalutnaja padtrymka Ukrainy ŭ vajnie suprać zachopnikaŭ — heta samy chutki i pravilny sposab najchutčejšaha vychadu palityčnych źniavolenych», — skazała Chierše «Našaj Nivie».
«Z dyktatarami nie damaŭlajucca, z dyktatarami viaduć baraćbu», — miarkuje Chierše.
Meta i zadača cyvilizavanaha hramadstva, ličyć byłaja palitźniavolenaja, — zastavacca ŭstojlivymi, niahledziačy na lubyja sproby režymu znajści ščylinu, kab palehčyć svajo stanovišča.
«Naša Niva» — bastyjon biełaruščyny
PADTRYMAĆ«Pad hałavu časam kłała abutak, bo nie mieła ni paduški, ni matraca». Intervju z Natallaj Chierše — pra kałoniju, muža i niepachisnaść
«Dla vyzvaleńnia našych blizkich robicca niedastatkova». Rodnyja palitviaźniaŭ i byłyja viaźni źviarnulisia da mižnarodnaj supolnaści
«Heta situacyja «vybaru Safi». Paśla zvarotu rodnych palitviaźniaŭ da lidaraŭ śvietu ŭ sacsietkach pačałasia dyskusija
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA16
Kamientary
Ona dažie nie podpisała prošienije o pomiłovanii.
No vied́ konkrietno po niej,imienno dohovoriliś i dažie prohnuliś pod vłasť,
obmieniavšiś vvieritielnymi hramotami.