Psichołahi buduć abaviazanyja pieradavać infarmacyju pra klijentaŭ pa lubym zapycie siłavych viedamstvaŭ
Na pačatku hoda nabyŭ moc źmienieny zakon «Ab akazańni psichałahičnaj dapamohi». Ciapier siłavyja viedamstvy mohuć jašče praściej atrymać infarmacyju, jakaja składaje prafiesijnuju tajamnicu.
U artykule 15 hetaha zakona prapisana, u jakich vypadkach źviestki, jakija składajuć prafiesijnuju tajamnicu, mohuć być paviedamlenyja psichołaham trecim asobam biez zhody hramadzianina.
Raniej heta dazvalałasia pa nastupnych zapytach:
- orhanaŭ, jakija viaduć kryminalny praces, u suviazi z praviadzieńniem papiaredniaha rasśledavańnia abo sudovaha razboru;
- kiraŭnikoŭ orhanaŭ abo ŭstanoŭ, jakija vykonvajuć pakarańnie i inšyja miery kryminalnaj adkaznaści;
- kiraŭnikoŭ dziaržaŭnych arhanizacyj achovy zdaroŭja, jakija akazvajuć psichijatryčnuju dapamohu, dla akazańnia takoj dapamohi;
- kiraŭnikoŭ ustanoŭ adukacyi ŭ metach palapšeńnia ŭmoŭ arhanizacyi navučańnia i vychavańnia navučencaŭ hetych ustanoŭ;
- navukovych rabotnikaŭ u suviazi z praviadzieńniem imi navukovych daśledavańniaŭ abo śpiecyjalistaŭ, jakija zajmajucca piedahahičnaj dziejnaściu ŭ halinie psichałohii, psichaterapii, psichijatryi, seksałohii, u suviazi z ažyćciaŭleńniem imi piedahahičnaj dziejnaści — u formie, jakaja vyklučaje najaŭnaść źviestak asabistaha charaktaru, jakija dazvalajuć identyfikavać kankretnaha hramadzianina.
Taksama psichołahi abaviazanyja paviedamlać u pravaachoŭnyja orhany infarmacyju, jakaja składaje prafiesijnuju tajamnicu, kali jana źmiaščaje źviestki ab učynienym asabliva ciažkim złačynstvie abo ab ciažkim ci asabliva ciažkim złačynstvie, jakoje rychtujecca.
Ciapier pieralik vyklučeńniaŭ dapoŭnieny słovami «ŭ inšych vypadkach, ustanoŭlenych zakanadaŭčymi aktami».
Taksama hety artykuł byŭ dapoŭnieny takim źmiestam:
«Psichołahi abaviazanyja pradastaŭlać u adpaviednyja dziaržaŭnyja orhany, inšyja dziaržaŭnyja arhanizacyi infarmacyju, jakaja składaje prafiesijnuju tajamnicu, biez zhody hramadzianina, jaki źviarnuŭsia pa akazańnie psichałahičnaj dapamohi, abo jaho zakonnaha pradstaŭnika i bieź piśmovaha zapytu:
— pry ažyćciaŭleńni dziejnaści pa pryznańni niepaŭnaletniaha tym, chto znachodzicca ŭ sacyjalna niebiaśpiečnym stanoviščy, u tym liku tym, chto maje patrebu ŭ dziaržaŭnaj abaronie;
— pry praviadzieńni indyvidualnaj prafiłaktyčnaj raboty, kompleksnaj reabilitacyi ŭ adpaviednaści z zakanadaŭstvam ab prafiłaktycy bieznahladnaści i pravaparušeńniaŭ niepaŭnaletnich;
— u inšych vypadkach, ustanoŭlenych zakanadaŭčymi aktami».
Juryst (jon paprasiŭ ab ananimnaści) prakamientavaŭ «Našaj Nivie» źmieny ŭ zakonie «Ab akazańni psichałahičnaj dapamohi».
«Z ulikam taho, što ciapier vychodzić šmat dakumientaŭ, u jakich bolš za pałovu punktaŭ «dla słužbovaha karystańnia», zastajecca tolki zdahadvacca, što jany chacieli skazać frazaj «u inšych vypadkach, ustanoŭlenych zakanadaŭčymi aktami».
Ale ŭ mianie niama sumnievu, što paśla takoha dadatku ŭ siłavikoŭ jość kart-błanš na hetuju infarmacyju ŭ lubym vypadku.
Momant, źviazany z sacyjalna niebiaśpiečnym stanoviščam, moža być jašče adnym sposabam cisku na baćkoŭ praź dziaciej, pakolki navat pry praviadzieńni prosta prafiłaktyčnaj raboty, biez važkich padstaŭ škoła abo kamisija pa niepaŭnahadovych zmoža zapatrabavać infarmacyju ŭ psichołahaŭ baćkoŭ», — kaža juryst.
«Naša Niva» — bastyjon biełaruščyny
PADTRYMAĆČytajcie taksama:
Łukašenka padpisaŭ zakon ab Usiebiełaruskim narodnym schodzie
«Dazvoł budzie dziejničać 3 miesiacy». Švied patłumačyŭ padrabiaznaści pracy kamisii pa «viartańni na radzimu»
«Kali chtości ŭ palityku zajhrajecca». Lidary ŁDPB i KPB abmierkavali budučaje partyjnaje žyćcio
Dźmitryjeŭ raskazaŭ niemcam, čaho Łukašenka moža chacieć ad Jeŭropy23
Kamientary