Prajekt biudžetu Sajuznaj dziaržavy na 2010 hod uchvaleny Savietam ministraŭ Sajuznaj dziaržavy Biełarusi i Rasii,
pasiadžeńnie jakoha prajšło 28 kastryčnika ŭ Maskvie pad staršynstvom kiraŭnikoŭ uradaŭ dźviuch krain Siarhieja Sidorskaha i Uładzimira Pucina.
Jak paviedamiŭ Pucin pa vynikach pasiadžeńnia, abjom uznosaŭ dźviuch krain zachavany na ciapierašnim uzroŭni. «Niahledziačy na viadomyja składanaści, my znajšli mahčymaść dla taho, kab zachavać abjom uznosaŭ u kaznu Sajuznaj dziaržavy na biahučym uzroŭni», — cytuje rasijskaha premjer‑ministra RIA Novosti.
Abjom biudžetu na 2009 hod składaje 4,87 młrd. rubloŭ, uznos Rasii — 65%, Biełarusi — 35%.
Pucin kanstatavaŭ, što realizacyja płanaŭ sumiesnych dziejańniaŭ pa minimizacyi nastupstvaŭ hłabalnaha kryzisu «prynosić realnuju addaču, stymuluje dziełavuju aktyŭnaść».
«My i biełaruskija kalehi pierakananyja, što nieabchodny novyja kroki, nakiravanyja na pašyreńnie kaapieracyi, na padtrymku ŭzajemnaha handlu i sumiesnych prajektaŭ, zdolnych paciahnuć za saboj usiu ekanomiku», — skazaŭ rasijski premjer.
Pavodle jaho słoŭ, Biełaruś i Rasija majuć namier dabivacca dalejšaha pavyšeńnia efiektyŭnaści raschodaŭ na sumiesnyja prahramy, što finansujucca na sajuznyja srodki. Havorka najpierš idzie pra vysokatechnałahičnyja prajekty.
Akramia taho, na pasiadžeńni asablivaja ŭvaha była nadadziena pytańniam umacavańnia ŭzajemadziejańnia ŭ śfiery źniešniaj palityki, zabieśpiačeńnia abaronazdolnaści i biaśpieki Sajuznaj dziaržavy, adznačyŭ Pucin.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary