Tym časam u Ministerstvie abviarhajuć infarmacyju ab vypadkach śmierci ad hrypu A(H1N1): ludzi pamirajuć ad pnieŭmanii.
U Biełarusi nie zafiksavana vypadkaŭ śmierci ad hrypu, u tym liku ad hrypu A(H1N1).
Pra heta zajaviŭ pieršy namieśnik ministra achovy zdaroŭja Robiert Časnojć na pres‑kanfierencyi ŭ Minsku 30 kastryčnika.
Jon paviedamiŭ, što
za dva tydni ŭ Minsku ad pnieŭmanii pamierli čatyry čałavieki. Vidać, heta i naradziła čutki pra hibiel ludziej u vyniku hrypu A(H1N1).
Miž inšym, zaznačyŭ namieśnik ministra, sioleta kolkaść śmiarotnych vypadkaŭ ad pnieŭmanii nie pieravyšaje anałahičny letašni pakazčyk.
Pa stanie na 29 kastryčnika, skazaŭ Časnojć,
u krainie zafiksavana 38 vypadkaŭ zachvorvańnia na hryp A(H1N1). 35 zachvarełych užo vypisany dadomu, try — znachodziacca na stacyjanarnym lačeńni.
Namieśnik ministra nie vyklučyŭ, što
da viečara 30 kastryčnika pakazčyk zachvorvańnia moža pavialičycca, bo łabaratornyja daśledavańni ŭziatych analizaŭ praciahvajucca.
Robiert Časnojć taksama zaznačyŭ, što bolšaść vypadkaŭ hrypu A(H1N1) — zavoznyja: siarod zachvarełych šmat inšaziemcaŭ.
Ciapier čytajuć
Mihrancki kryzis, arhanizavany Łukašenkam, — usio? Voś što pakazvajuć ličby4
Kamientary