Тым часам у Міністэрстве абвяргаюць інфармацыю аб выпадках смерці ад грыпу A(H1N1): людзі паміраюць ад пнеўманіі.
У Беларусі не зафіксавана выпадкаў смерці ад грыпу, у тым ліку ад грыпу A(H1N1).
Пра гэта заявіў першы намеснік міністра аховы здароўя Роберт Часнойць на прэс‑канферэнцыі ў Мінску 30 кастрычніка.
Ён паведаміў, што
за два тыдні ў Мінску ад пнеўманіі памерлі чатыры чалавекі. Відаць, гэта і нарадзіла чуткі пра гібель людзей у выніку грыпу A(H1N1).
Між іншым, зазначыў намеснік міністра, сёлета колькасць смяротных выпадкаў ад пнеўманіі не перавышае аналагічны леташні паказчык.
Па стане на 29 кастрычніка, сказаў Часнойць,
у краіне зафіксавана 38 выпадкаў захворвання на грып A(H1N1). 35 захварэлых ужо выпісаны дадому, тры — знаходзяцца на стацыянарным лячэнні.
Намеснік міністра не выключыў, што
да вечара 30 кастрычніка паказчык захворвання можа павялічыцца, бо лабараторныя даследаванні ўзятых аналізаў працягваюцца.
Роберт Часнойць таксама зазначыў, што большасць выпадкаў грыпу A(H1N1) — завозныя: сярод захварэлых шмат іншаземцаў.
Цяпер чытаюць
Сталі вядомыя новыя падрабязнасці лютаўскага жорсткага нападу на сям’ю пад Смалявічамі2
Каментары