U IT siaredniaja zarpłata pa krainie skłała 6018,1 rubla, što na 10,7% mienš, čym u studzieni minułaha hoda, piša Reform.by.
Heta moža śviedčyć pra adtok mienavita vysokakvalifikavanych IT-rabotnikaŭ z dośviedam.
Ahułam siaredniaja naminalnaja naličanaja zarpłata (da vyliku padachodnaha padatku) pa krainie ŭ studzieni skłała 1648,9 rubla. Jana abvaliłasia adrazu na 230,7 rubla ŭ paraŭnańni sa śniežniem 2022 hoda. U studzieni siaredniaja zarpłata tradycyjna źnižajecca ŭ paraŭnańni z papiarednim miesiacam, bo ŭ śniežni mnohija pradpryjemstvy vypłačvajuć hadavyja premii i bonusy.
U realnym vyražeńni, heta značyć z ulikam inflacyi, u paraŭnańni sa studzieniem 2022 hoda pryrost zarpłaty skłaŭ 1,6%.
U Minsku siaredni zarobak u studzieni skłaŭ 2309,4 rubla, što na 418,4 rubla mienš, čym u śniežni. U realnym vyražeńni za hod siaredniaja zarpłata ŭ Minsku źniziłasia na 2,7%.
Samaj nizkaj siarod rehijonaŭ była siaredniaja zarpłata ŭ Mahiloŭskaj vobłaści — 1384,4 rubla, što ŭ realnym vyražeńni na 4,6% bolš, čym u studzieni 2022-ha.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary