Pra heta kiraŭnik prezidyuma Nacyjanalnaj akademii navuk Uładzimir Karanik zajaviŭ na naradzie pa navukovaj dziejnaści ŭ Łukašenki 9 lutaha.
Jon padkreśliŭ, što Akademija navuk u Biełarusi — unikalnaja struktura, jakaja pracuje pavodle pryncypu navukova-vytvorčaj karparacyi. U vyniku niekatoryja zakanadaŭčyja akty nie ŭličvajuć, što akademija maje nie tolki navukovuju, ale i vytvorčuju składovuju.
«Adpaviedna, my abmiežavanyja ŭ mahčymaściach finansavańnia tych ci inšych napramkaŭ. Kiraŭnikom dziaržavy daručana sabracca ź Ministerstvam finansaŭ, uradam, Administracyjaj i vyznačyć, jakim čynam dać Akademii navuk mahčymaść raźvivacca bolš dynamična — jak u vytvorčym, tak i ŭ navukovym napramku», — raspavioŭ kiraŭnik Prezidyuma NAN.
Na jaho dumku, ukaz ab udaskanaleńni navukovaj dziejnaści taksama dapamoža strukturam Akademii navuk pazbavicca ad «bałastu». Havorka idzie pra tyja składniki, jakija nie ŭpłyvajuć na atrymańnie novych viedaŭ i realizacyju novych prajektaŭ.
Akramia taho, dakumient stvoryć miechanizmy, jakija dazvolać finansavać roznyja napramki — naprykład, fundamientalnuju i prykładnuju navuku, a taksama sielskahaspadarčuju tematyku.
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT14
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1717
Kamientary