20‑hadovy minčuk spačatku addaŭ ašukancam svaje hrošy, a potym vykapaŭ sa śniehu čužyja
U milicyju źviarnuŭsia minski student, jaki staŭ achviaraj i kurjeram telefonnych ašukancaŭ. Jon straciŭ svaje hrošy, ale vyratavaŭ aščadak staličnaj piensijanierki i ašukanaj žycharki Hrodna, a taksama paźbieh kryminalnaj adkaznaści.
Maładoha čałavieka ašukali pa schiemie «Enierhasbyt». Jon nazvaŭ čatyrochznačny kod z SMS, a potym pavieryŭ, što ašukancy adkryli na jaho imia złačynny rachunak u banku. Student pahadziŭsia zadekłaravać svoj aščadak i pieradaŭ 7 tysiač dalaraŭ pieršakurśnicy staličnaha VNU, jakuju ličyŭ kurjeram Nacbanka, paviedamlaje «Milicyja Minska».
18‑hadovuju dziaŭčynu ašukali pa toj ža schiemie i prymusili zabrać 5 tysiač dalaraŭ u jašče adnaho minčuka — 87‑hadovaha piensijaniera. Usiu sumu jana na taksi dastaviła nastupnamu kurjeru, dumajučy, što zarablaje dobruju charaktarystyku ad KDB.
U toj ža čas ašukanamu studentu patelefanavaŭ jašče adzin nieznajomy čałaviek, jaki zapatrabavaŭ vykanać jašče niekalki zadańniaŭ. Minčuk pajechaŭ va ŭmoŭlenaje miesca i zabraŭ sa schovanki ŭ śniezie 8 tysiač jeŭra, a potym na vakzale — jašče 8 tysiač dalaraŭ. Hetyja hrošy naležali 70‑hadovaj minčancy i 21‑hadovaj žycharcy Hrodna, jakija taksama pavieryli ašukancam i ličyli, što hrošy dekłarujucca.
Na ŭkazańnie kurataraŭ student pavinien byŭ pieradać najaŭnyja nastupnamu kurjeru. Ale jon zapadozryŭ abman i źviarnuŭsia ŭ milicyju, dzie jaho padazreńni paćvierdzili. Hrošy kanfiskavanyja i buduć viernutyja paciarpiełym.
Raspačaty kryminalnyja spravy za ašukanstva.
Ciapier čytajuć
Kolki biełarusaŭ atrymali polskaje hramadzianstva za apošni čas. Ličby ŭražvajuć8
Kolki biełarusaŭ atrymali polskaje hramadzianstva za apošni čas. Ličby ŭražvajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary