Budynak na praśpiekcie Pieramožcaŭ, dzie znachodziŭsia hałaŭny ofis «Trajpł», vystavili na prodaž. Kolki kaštuje i jak tam unutry?
Na abjavu ab prodažy čornaha ofisnaha budynka na praśpiekcie Pieramožcaŭ, što zjaviłasia na sajcie ahienctva nieruchomaści «Silvan-Inviest», źviarnuŭ uvahu Onliner.
Abjekt znachodzicca na praśpiekcie Pieramožcaŭ, 51/2, nasuprać Kamsamolskaha voziera i parku Pieramohi.
— Cana ŭsiaho budynka płoščaj 6585 «kvadrataŭ» — $ 13000000 pa kursie, — raspavioŭ Andrej Smołka, ahient «Silvan-Inviest», jakomu davieryli prodaž abjekta.
Pradajecca i padziemny parkinh na 20 mašyna-miescaŭ, cana adnaho — $ 20 tysiač pa kursie.
U budynku vosiem pavierchaŭ, jość varyjant vykupić tolki adzin. Naprykład, samy tanny, siomy na 317 «kvadrataŭ», abydziecca ŭ $951 000, a za piaty pavierch (na 778 mietraŭ) prosiać $2 334 000 u ekvivalencie.
Na fota na adnym z pavierchaŭ možna razhledzieć meblu ŭ pałacavym styli: raskošnyja kresły, karciny na ścienach, masiŭnyja draŭlanyja stały. Andrej Smołka patłumačyŭ, što meblu možna kupić «pa damoŭlenaści».
U hetym budynku znachodziacca ofisy roznych kampanij, u tym liku tut raźmiaščaŭsia hałaŭny ofis «Trajpł». Kampanija padała zajavu ab ekanamičnaj niepłaciežazdolnaści ŭ 2020 hodzie. Mnohija abjekty, jakija naležali joj, vystaŭlalisia na aŭkcyjon.
Čytajcie taksama:
Znoŭ vystavili na tarhi majomaść «Trajpła» na Rakaŭskaj u Minsku
Elitny fitnes-kłub Čyža za miesiac patańnieŭ na 375 tysiač dalaraŭ
Jak Čyž i jaho tajemny litoŭski partnior zarabili miljardy na chitraj naftavaj schiemie
Etnaviosku na radzimie Juryja Čyža pradajuć, ale brać pakul nichto nie choča
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary