Minkult akreśliŭ, što treba zrabić artystam z čornych śpisaŭ dla viartańnia na scenu
Pad čas tok-šoŭ «Pa sutnaści» na STB paŭstała pytańnie adnosna losu biełaruskich artystaŭ, jakija padtrymali ŭ 2020 hodzie pratesty i z-za heta faktyčna atrymali zabaronu na prafiesiju ŭ Biełarusi.
Padčas abmierkavańnia aboje viadučych tok-šoŭ (Alena Syrova i Kirył Kazakoŭ) pryjšli da dumki, što takija artysty mohuć viarnucca na scenu ŭ Biełarusi, kali vykanajuć peŭnyja patrabavańni.
Patrabavańni tut ža akreśliła byłaja namieśnica ministra, a ciapier načalnica hałoŭnaha ŭpraŭleńnia kulturnych mierapryjemstvaŭ i prafiesijnaha mastactva, člen «kamisii pa viartańni» na čale z hienprakuroram Šviedam Iryna Dryha.
Patrabavańniaŭ dva, ale sutnaść u ich adna — publičnaje prynižeńnie.
Pa-pieršaje, takija artysty pavinny publična zajavić pra svaju pazicyju i adznačyć prynaležnaść da peŭnaj hrupy ludziej.
Pa-druhoje, jany pavinny pryniać udzieł u «kulturnych prajektach, jakija majuć hramadska-palityčny charaktar», to-bok prajektach vidavočnaj praŭładnaj skiravanaści.
Pry hetym Dryha adznačyła, što asobnyja dziejačy kultury, jakija nibyta kajucca, u toj ža čas admaŭlajucca ad prapanoŭ paŭdzielčać ŭ śpiecmierapryjemstvach.
Jany, maŭlaŭ, zhodnyja prymać udzieł u kamiercyjnych kancertach, ale jakraz tudy ich nie zaprašajuć.
Nie ŭsie raskajvajucca ščyra, narakaje čynoŭnica i pryvodzić u jakaści prykładu akciora Paŭła Charłančuka, jaki byŭ udzielnikam užo vielmi dalokaj Płoščy-2006 i patrapiŭ u čornyja śpisy jašče tady.
«Vielmi aktyŭnym pierad Kastryčnickaj płoščaj byŭ. Paśla z adnaho teatra jaho adpravili. Pakajaŭsia, pryjšoŭ u toj samy Kupałaŭski teatr. Čornaha sabaku nie admyješ dabiała. Usio roŭna jaho sutnaść vyjaviłasia», — kanstatuje čynoŭnica, jakaja daŭno nabyła ŭ vačach kulturnickaj supolnaści vielmi adyjoznuju reputacyju.
Čytać jašče:
Za miesiac łukašysty dačakalisia «ažno» 23 zvarotaŭ u «kamisiju pa viartańni». Ale jany ich nie ciešać
Ministr kultury: Zdradnikam nie miesca na scenie
Ciapier čytajuć
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI8
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary
- Tak, heta ministerstva pravilnaj kultury!
(minsknews.by)