Biełaruś pavialičyła zakupki zbroi na 55% za apošnija piać hadoŭ
U 2018—2022 hadach u paraŭnańni z papiarednimi piaćciu hadami impart uzbrajeńniaŭ u Biełaruś vyras na 55%, a dola krainy ŭ suśvietnym imparcie pavialičyłasia z 0,3 da 0,6%, vynikaje z dakłada ab stanie suśvietnaha rynku zbroi ad 13 sakavika, piša DW.
Amal 100% zbroi ŭ Biełaruś pastaŭlajecca z Rasii, tolki 0,1% z Kitaja.
Pry hetym dola Biełarusi ŭ suśvietnym eksparcie ŭzbrajeńniaŭ za piać hadoŭ skaraciłasia z 0,5 da 0,3%.
Asnoŭnymi pakupnikami ŭzbrajeńniaŭ ź Biełarusi ŭ dakładzie nazyvajucca Sierbija (33%), Vjetnam (25%) i Uhanda (14%).
Dola ZŠA ŭ suśvietnym eksparcie ŭzbrajeńniaŭ pavialičyłasia z 33 da 40%, a Rasii — skaraciłasia z 22 da 16%. Ekśpierty źviazali heta z tym, što bolš zbroi idzie ŭ rasijskaje vojska.
Ukraina ŭ 2022 hodzie vyjšła tolki na treciaje miesca ŭ śviecie pa abjomie impartu ŭzbrajeńniaŭ paśla Katara i Indyi. Najbujniejšymi pastaŭščykami Kijeva stali ZŠA (34%), Polšča (17%) i Hiermanija (11%).
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im1111
Kamientary