Zaŭtra projdzie suśvietnaja ekałahičnaja akcyja «Hadzina Ziamli»
Hadzina Ziamli — heta mižnarodnaja akcyja, padčas jakoj Suśvietny fond dzikaj pryrody zaklikaje vyklučyć śviatło na adnu hadzinu — z 20:30 da 21:30 — dla pryciahnieńnia ŭvahi da ekałahičnych prablem našaj płaniety. Jana projdzie va ŭsim śviecie zaŭtra, 25 sakavika.
U Biełarusi ciapier akcyju pravodziać dziaržaŭnyja struktury, adnak heta nie aznačaje, što biełaruskija ekałahičnyja arhanizacyi i inicyjatyvy vystupajuć suprać jaje praviadzieńnia, padkreślivaje «Zialonaja sietka».
Hadzina Ziamli — samaja masavaja ekałahičnaja akcyja na płaniecie. Akcyja zaklikaje ŭsich žycharoŭ Ziamli prajavić adzinstva ŭ pytańniach abarony płaniety ad nastupstvaŭ źmianieńnia klimatu, bieražlivych adnosin da resursaŭ, adkaznaha pryrodakarystańnia.
Upieršyniu jaje praviali ŭ Aŭstralii ŭ 2007 hodzie. Pačaŭšysia ź Sidneja, jana chutka była padchoplena ŭ inšych kutkach śvietu. Štohod adklučajecca padśviečvańnie samych viadomych budynkaŭ śvietu — mosta «Załatyja varoty» ŭ San-Francyska, Kalizieja ŭ Rymie, Opiernaha teatra ŭ Sidnei, budysckaha chrama «Vat Arun» u Banhkoku, Karaleŭskaha pałaca ŭ Stakholmie, Ejfielevaj viežy ŭ Paryžy i mnohich inšych.
Słohan «Hadziny Ziamli — 2023» — «Zachavaj pryhažość». Pryhažość śvietu vakoł nas — heta nie tolki toje, što my bačym, ale i toje, što možam adčuć: kachańnie, siabroŭstva, spačuvańnie, žadańnie dapamahać. Dzikaja pryroda — heta toje, što dazvalaje ŭbačyć i adčuć pryhažość adnačasova.
Biełaruś padtrymaje akcyju 15-y raz. Raniej u hety dzień, akramia tradycyjnaha vyklučeńnia padśvietu budynkaŭ i abjektaŭ kultury, u krainie pravodzilisia viełaprabiehi, kinafiestyvali, viečarynki pry śviečkach i inšyja mierapryjemstvy, jakija pryciahvali ŭvahu biełarusaŭ da nieabchodnaści adkazna stavicca da resursaŭ płaniety. Arhanizataram i idejnym natchnialnikam takoj akcyi ŭ Biełarusi była «Zialonaja sietka».
U minskim mietro prachodziać vyprabavańni novyja ciahniki FOTY2
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary