Šoŭmien Michaił Hałuścian byŭ vialiki patryjot Rasii i Pucina. Ciapier jon atrymaŭ hramadzianstva Armienii
Šoŭmien armianskaha pachodžańnia, prychilnik Pucina i siabar Kadyrava Michaił Hałuścian zajaviŭ, što staŭ hramadzianinam Armienii.
«Spraviadlivaść pieramahła, ja narešcie atrymaŭ hramadzianstva Armienii. Ja išoŭ samym sumlennym i pravilnym šlacham, padaŭ sumlenna dakumienty, i voś narešcie atrymaŭ», — raspavioŭ jon armianskim ŚMI na prezientacyi ŭ Armienii ŽK Parajanov Club House.
Šoŭmien skazaŭ, što maje namier stać adnym ź pieršych žycharoŭ kompleksu. «Ciapier mnie ž treba prapisacca niedzie», — pažartavaŭ jon.
U lutym hetaha hoda Hałuścian asudziŭ komikaŭ, jakija pakinuli Rasiju, pavodle jaho, kab «zarabić hrošykaŭ».
«Usio, da čaho my ciapier imkniomsia, heta pažyć i zarabić hrošykaŭ. A ahulnaja ideałohija? My ŭsie žyviom u niejkaj kamiercyjnaj dziaržavie. Čamu niama ideałohii? Čaho my chočam dabicca praz 20 hadoŭ? Da čaho my imkniomsia jak cełasnaja dziaržava?» — zadaŭ pytańnie Hałuścian.
Kažučy pra niedaskanałaść Rasii, jon zaklikaŭ lubić jaje niezaležna ad taho, dzie i ŭ čym jaje niedachopy.
Kamientary