Dekanam chimfaka BDU pastavili syna byłoha kamandzira «Ałmaza»
Alaksandr Zurajeŭ raniej vykładaŭ na fakultecie.
Novaha dekana pracoŭnamu kalektyvu pradstaviŭ rektar BDU Andrej Karol padčas pasiadžeńnia Rady fakulteta.
Novy dekan skončyŭ chimičny fakultet BDU pa śpiecyjalnaści «chimija (farmaceŭtyčnaja dziejnaść)» u 2015-m. Praz čatyry hady Alaksandr Zurajeŭ daterminova abaraniŭ kandydackuju dysiertacyju, a ŭ 2021-m jamu było prysvojena zvańnie dacenta.
Jašče kali Zurajeŭ byŭ aśpirantam, jon atrymlivaŭ prezidenckuju stypiendyju.
U minułym hodzie 30-hadovaha Alaksandra Zurajeva pryznačyli zahadčykam kafiedry ahulnaj chimii i mietodyki vykładańnia chimii.
Papiarednim dekanam chimfaka BDU byŭ Dźmitryj Śvirydaŭ, doktar chimičnych navuk, prafiesar, člen-karespandent NAN Biełarusi.
Baćka Alaksandra Zurajeva, pałkoŭnik Viktar Zurajeŭ, pakinuŭ pasadu kamandzira śpiecpadraździaleńnia pa baraćbie z teraryzmam «Ałmaz» u 2021-m i zaniaŭ pasadu namieśnika dyrektara pa biaśpiecy ŭ Respublikanskim centry alimpijskaj padrychtoŭki «Stajki».
U žniŭni 2020 hoda Viktar Zurajeŭ byŭ uznaharodžany miedalom «Za biezdakornuju słužbu». Tady ž bajcy «Ałmaza» ŭdzielničali ŭ razhonach akcyj pratestu ŭ Minsku.
Čytajcie taksama:
Dekanam žurfaka BDU pastavili palitołaha, jaki śpiecyjalizujecca na antyzachodniaj prapahandzie
Tartuski i Talinski ŭniviersitety znoŭ prymajuć na vučobu studentaŭ ź Biełarusi
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary