U Žabinkaŭskim rajonie raspracoŭvajuć prajekt vioski dla ajcišnikaŭ, paviedamiŭ BiełTA staršynia rajvykankama Andrej Kuźmič.
U horadzie, jaki źjaŭlajecca spadarožnikam Bresta, źbirajucca «pavyšać inviestycyjnuju pryvabnaść i stvarać kamfortnyja ŭmovy dla biznesu».
«Ilhotny režym padatkaabkładańnia, najaŭnaść svabodnych abjektaŭ i ŭčastkaŭ, transpartnaja dastupnaść — usio heta sadziejničaje pavyšeńniu inviestycyjnaj pryvabnaści horada i ŭsiaho Žabinkaŭskaha rajona. U biahučym hodzie pryniata rašeńnie ab pradstaŭleńni prefierencyj jurydyčnym asobam, jakija zjaŭlajucca navukova-technałahičnymi parkami i ich rezidentami, centrami tranśfieru technałohij», — źviarnuŭ uvahu staršynia rajvykankama.
Miascovyja ŭłady ŭpeŭnienyja, što važnuju rolu ŭ pryciahnieńni vysokakvalifikavanych kadraŭ adyhryvaje žyllovaje pytańnie. U Žabincy zaraz adznačajucca rekordnyja tempy budaŭnictva šmatkvaternaha i indyvidualnaha žylla.
«Na vybar nasielenaha punkta ŭpłyvajuć transpartnaja dastupnaść i blizkaść bujnych haradoŭ. Žabinkaŭski rajon ličycca ekałahična čystym rehijonam, maje vyhadnaje hieahrafičnaje stanovišča. Hetyja aśpiekty robiać naš rajon pryvabnym dla realizacyi prajekta pa stvareńni IT-vioski», — kaža Andrej Kuźmič.
Dla prajekta padabrali ziamielny ŭčastak płoščaj 6 ha ŭ miežach vioski Filipavičy Leninskaha sielsavieta. Tam moža raźmiaścicca bolš za 30 pryvatnych damoŭ. Z troch bakoŭ — les, pobač praciakaje raka Muchaviec. Adlehłaść da Žabinki składaje mienš za 10 km, da Bresta — krychu bolš za 20 km.
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary
viartajemsia da starych dobrych bieryjaŭskich "šaražak"