У Жабінкаўскім раёне распрацоўваюць праект вёскі для айцішнікаў, паведаміў БелТА старшыня райвыканкама Андрэй Кузьміч.
У горадзе, які з'яўляецца спадарожнікам Брэста, збіраюцца «павышаць інвестыцыйную прывабнасць і ствараць камфортныя ўмовы для бізнэсу».
«Ільготны рэжым падаткаабкладання, наяўнасць свабодных абʼектаў і ўчасткаў, транспартная даступнасць — усё гэта садзейнічае павышэнню інвестыцыйнай прывабнасці горада і ўсяго Жабінкаўскага раёна. У бягучым годзе прынята рашэнне аб прадстаўленні прэферэнцый юрыдычным асобам, якія зʼяўляюцца навукова-тэхналагічнымі паркамі і іх рэзідэнтамі, цэнтрамі трансферу тэхналогій», — звярнуў увагу старшыня райвыканкама.
Мясцовыя ўлады ўпэўненыя, што важную ролю ў прыцягненні высокакваліфікаваных кадраў адыгрывае жыллёвае пытанне. У Жабінцы зараз адзначаюцца рэкордныя тэмпы будаўніцтва шматкватэрнага і індывідуальнага жылля.
«На выбар населенага пункта ўплываюць транспартная даступнасць і блізкасць буйных гарадоў. Жабінкаўскі раён лічыцца экалагічна чыстым рэгіёнам, мае выгаднае геаграфічнае становішча. Гэтыя аспекты робяць наш раён прывабным для рэалізацыі праекта па стварэнні IT-вёскі», — кажа Андрэй Кузьміч.
Для праекта падабралі зямельны ўчастак плошчай 6 га ў межах вёскі Філіпавічы Ленінскага сельсавета. Там можа размясціцца больш за 30 прыватных дамоў. З трох бакоў — лес, побач працякае рака Мухавец. Адлегласць да Жабінкі складае менш за 10 км, да Брэста — крыху больш за 20 км.
Цяпер чытаюць
Сілавікі завітваюць да беларусаў, якіх ужо не могуць прыцягнуць па крыміналцы за ўдзел у маршах, з маскі-шоу — для прафілактыкі4
Сілавікі завітваюць да беларусаў, якіх ужо не могуць прыцягнуць па крыміналцы за ўдзел у маршах, з маскі-шоу — для прафілактыкі
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары
вяртаемся да старых добрых берыяўскіх "шаражак"