«Dakumientalnych źviestak ab skažeńni vynikaŭ praviedzienych 19.03.2006 vybaraŭ prezidenta Respubliki Biełaruś niama».
«Dakumientalnych źviestak ab skažeńni vynikaŭ praviedzienych 19.03.2006 vybaraŭ prezidenta Respubliki Biełaruś, a taksama źviestak ab jakich‑niebudź inšych parušeńniach pałažeńniaŭ Vybarčaha kodeksu pry padliku hałasoŭ i abviaščeńni vynikaŭ vybaraŭ, Hienieralnaja prakuratura Respubliki Biełaruś nie maje».
Hetyja słovy pryvodziacca ŭ adkazie Hienieralnaha prakurora Biełarusi Ryhora Vasileviča staršyni Abjadnanaj hramadzianskaj partyi Anatolu Labiedźku. U dakumiencie taksama pišacca, što «…vyniki vybaraŭ prezidenta Respubliki Biełaruś ustanoŭleny na asnovie pratakołaŭ abłasnych i Minskaj haradskoj terytaryjalnych vybarčych kamisij pa vybarach prezidenta Respubliki Biełaruś».
Takim čynam Ryhor Vasilevič adkazaŭ 50 viadomym hramadzianam krainy — udzielnikam vybarčych kampanijaŭ.
Jany patrabavali raspačać kryminalnuju spravu pa fakcie falsifikacyi vynikaŭ hałasavańnia ŭ 2006 hodzie.
Padstavaj dla takoha patrabavańnia stała intervju ŭ haziecie «Iźviestija» 27 žniŭnia 2009 hoda, kali Alaksandr Łukašenka zajaviŭ «za mianie na apošnich vybarach prahałasavali 93%. I ja pryznaŭsia potym, kali na mianie pačali cisnuć, što my falsifikavali vybary. Ja addaŭ kamandu, kab nie 93% było, a nie to tam 80, ja nie pamiataju kolki. Tamu što za 80 heta ŭžo psichałahična nie ŭsprymajecca, ale heta było praŭda».
Anatol Labiedźka tak prakamientavaŭ adkaz Hiennralnaha prakurora:
«My nie pytali jaho, jakija ličby napisała ŭ vynikovym pratakole spadarynia Jarmošyna i jaje padnačalenyja. My prasili pravieści rasśledavańnie fakcie kankretnaj zajavy, zroblenaj Łukašenkam. Vasilevič hetaha nie zrabiŭ. Tamu ź jaho adkazu ja rablu dźvie vysnovy.
Pieršaja — Hienieralny prakuror nie zdaŭ ispyt na prafesijnuju pryhodnaść.
I druhaja — ciapier zrazumieła, čaho my možam čakać i na čarhovych prezidenckich vybarach».
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary