Prapahandysty spytali ŭ Pratasieviča, ci viarnuŭsia b jon u Biełaruś, «kali b ciapier byŭ biehłym za miažoj»
U Minskim abłasnym sudzie praciahvajecca razhlad tak zvanaj spravy NEXTA. Siońnia, paśla niadaŭniaha vystaŭleńnia jašče adnaho abvinavačańnia, budzie apytany Raman Pratasievič.
Pierad pasiedžańniem prapahandysty spytali ŭ Pratasieviča, ci viarnuŭsia b jon u Biełaruś, «kali b ciapier byŭ biehłym za miažoj».
«Nu viedajecie, tut, napeŭna ŭsio vidavočna, tamu što kali b ja dakładna viedaŭ, što mnie treba budzie pravieści niejki doŭhi čas za kratami, to łahična, što nivodny čałaviek u zdarovym rozumie nie budzie viartacca dla taho, kab sieści ŭ turmu», — adkazaŭ Pratasievič.
Ale jon dadaŭ, što jość pytańnie da tych ludziej, jakija zjechali, chacia pa fakcie, miarkuje Pratasievič, im bolš za niejki administracyjny štraf abo 15 sutak ničoha nie pahražaje.
«Heta ŭžo zusim inšaja historyja, i bolšaść takich ludziej prosta mohuć stroić ź siabie kaho zaŭhodna. Heta absalutna dźvie roznyja historyi», — miarkuje Pratasievič.
Sud pa tak zvanaj spravie NEXTA pačaŭsia 16 lutaha ŭ adkrytym farmacie.
Pa spravie prachodziać try abvinavačvanyja: Raman Pratasievič, jaki prysutničaje ŭ sudzie, a taksama Ściapan Puciła i Jan Rudzik — ich sudziać zavočna.
Usim fihurantam spravy vystaŭlena abvinavačańnie bolš čym pa 10 artykułach Kryminalnaha kodeksa. Akramia taho, Hienprakuraturaj Biełarusi ŭ intaresach dziaržavy zajaŭleny pazoŭ na bolš čym 30 miljonaŭ rubloŭ.
Raman Pratasievič sprahnazavaŭ, kali skončycca sud nad im
Pratasievič prakamientavaŭ mahčymuju ekstradycyju ŭ Rasiju Safii Sapiehi
«Maršruty abmiarkoŭvalisia z Palčysam, a žanočymi maršami zajmałasia Kaściuhova». Pratasievič daŭ pakazańni ŭ sudzie
Pratasieviču, Puciłu i Rudziku inkryminujecca nie mienš za 1586 złačynstvaŭ
Ciapier čytajuć
18‑hadovy były palitviazień raskazaŭ, što jon svajak Cichanoŭskaj. Jaho zatrymali, kali jon jechaŭ vajavać za Ukrainu2
Kamientary