Ale jany buduć pieradadzienyja tolki ŭ nastupnym hodzie.
Abaronnyja viedamstvy Kapienhahiena i Amsterdama i ŭzhadnili pieradaču Ukrainie 14 tankaŭ Leopard 2 niamieckaj vytvorčaści.
Pra heta paviedamlaje dackaje ahienctva Ritzau sa spasyłkaj na v.a. ministra abarony krainy Troelsa Łunda Poŭlsiena. Pavodle jaho słoŭ, hetyja tanki pavinny prybyć va Ukrainu na pačatku nastupnaha, 2024 hoda.
U toj ža čas Danija abaviazałasia pieradać dla patreb USU paradku sotni tankaŭ papiaredniaj madeli — Leopard 1. Pa słovach Poŭlsiena, kala 80 ź ich pavinny pastupić u rasparadžeńnie USU da nastupnaha hoda.
«Ułady Danii imknucca da taho, kab z ulikam pamieru našaj krainy my byli adnym z najbujniejšych donaraŭ, — zapeŭniŭ jon. — Tamu što vielmi važna, kab našy siabry va Ukrainie atrymlivali maksimalnuju padtrymku».
U kancy sakavika Uładzimir Zialenski skazaŭ u intervju japonskamu vydańniu Yomiuri Shimbun, što viasnovaje kontrnastupleńnie USU adkładajecca, tamu što Ukrainie nie chapaje zbroi i bojeprypasaŭ.
«My jašče nie možam pačać nastup. Biez tankaŭ, artyleryi i HIMARS my nie možam adpravić našych advažnych vajskoŭcaŭ na front», — zajaviŭ jon.
Ministr abarony Ukrainy pakazaŭ, jak vyhladajuć pieradadzienyja Francyjaj «kołavyja tanki»
«Jana nie ŭ turmie, a na śpiecdačy KDB!» Kanśpirołahi nakinulisia na Kaleśnikavu12
Kamientary