Tytuniovaja kampanija BAT vypłacić u ZŠA 635 miljonaŭ dalaraŭ za handal z Paŭnočnaj Karejaj
Tytuniovaja kampanija British American Tobacco vypłacić uładam ZŠA 635 miljonaŭ dalaraŭ za toje, što jaje daččynaja firma ŭ parušeńnie sankcyj pradavała tytuń i cyharety Paŭnočnaj Karei. Pahadnieńnie ab vypłacie kampanija BAT u aŭtorak zaklučyła ź Miniustycyi i finansaŭ ZŠA.
Kiraŭnik kampanii Džek Boŭłz zajaviŭ, što BAT hłyboka škaduje ab dapuščanym parušeńni, piša Bi-bi-si.
Sinhapurskaja daččynaja firma BAT pryznała, što ŭ 2007-2017 hh. pastaŭlała cyharety ŭ Paŭnočnuju Kareju, suprać jakoj ZŠA ŭviali žorstkija sankcyi za raspracoŭku jadziernaj zbroi i balistyčnych rakiet.
British American Tobacco — adna z najbujniejšych tytuniovych kampanij u śviecie. Joj naležać takija marki cyharet, jak Lucky Strike, Dunhill i Pall Mall.
Namieśnik hienieralnaha prakurora ZŠA Mećju Ołsen raspavioŭ na bryfinhu ŭ aŭtorak, što pahadnieńnie z BAT stała vynikam doŭhaha rasśledavańnia i što hetaja vypłata stanie najbujniejšym u historyi Ministerstva justycyi štrafam za parušeńnie sankcyj suprać Paŭnočnaj Karei.
Pa słovach Ołsena, BAT stvaryła składany łancužok z daččynych firmaŭ, kab abychodzić sankcyi i pradavać tytuń i tytuniovyja vyraby Paŭnočnaj Karei. Na hetym biznesie hetyja firmy ŭ 2007-2017 hadach vyručyli, pa padlikach Ministerstva justycyi, prykładna 428 młn dalaraŭ.
Akramia BAT, ułady ZŠA zavočna vystavili kryminalnaje abvinavačvańnie paŭnočnakarejskamu bankaŭskamu čynoŭniku Sim Chien Sopu i kitajcam Cyń Haminu i Chań Lińliniu — usie jany, pa źviestkach amierykancaŭ, udzielničali ŭ schiemie.
Za dapamohu ŭ pošukach karejca ZŠA abviaścili ŭznaharodu ŭ pamiery piaci miljonaŭ dalaraŭ, a za abodvuch kitajcaŭ abiacajuć pa paŭmiljona.
Jany abvinavačvajucca ŭ tym, što kuplali listavy tytuń dla paŭnočnakarejskich dziaržaŭnych tytuniovych fabryk i padrablali dakumienty dla taho, kab pravieści płaciažy na sumu 74 młn dalaraŭ praz banki ZŠA. Na hetych uhodach paŭnočnyja karejcy, jak śćviardžajuć ZŠA, zarabili da 700 młn dalaraŭ.
Paŭnočnakarejski lidar Kim Čen Yn — zaŭziaty kurec, na aficyjnych fota i pierad telekamierami jon časta źjaŭlajecca z cyharetaj.
Letaś ZŠA chacieli pravieści praz Radu Biaśpieki AAN usieahulnuju zabaronu na ekspart tytuniu ŭ Paŭnočnuju Kareju, ale hetaja inicyjatyva była zabłakavanaja Kitajem i Rasijaj.
Maskva prapanuje Pchieńjanu ježu ŭ abmien na zbroju — ZŠA
KNDR zajaviła pra vyprabavańni padvodnaha bieśpiłotnika, zdolnaha nieści jadziernuju zbroju
Chalezin: Nieŭźlin finansuje Chartyju'97 jašče z prezidenckich vybaraŭ 2010 hoda38
Kamientary
Rabotajtie braťja