Amal 300 biełarusaŭ nie zmahli lehalizavacca ŭ Litvie, bo padtrymlivajuć Rasiju i vajnu
U kułuarach II Biełaruskaha biznes-forumu ŭ Vilni vydańnie «Zierkało» raspytała kiraŭnicu Departamienta mihracyi MUS Litvy Evielinu Hudzinskajcie, kolki biełarusaŭ nie zmahli lehalizavacca ŭ Litvie z-za taho, što padtrymlivajuć vajnu ci pryznajuć Krym rasijskim. Akazałasia, što z pačatku hoda takich nabrałasia ŭžo 280.
Hetyja ludzi vykazali padtrymku rasijskaj ahresii suprać Ukrainy ci adznačyli, što «Krym — rasijski», u ankiecie, jakaja zapaŭniajecca pry padačy dakumientaŭ dla lehalizacyi ŭ Litvie.
Pavodle Evieliny Hudzinskajcie, časta hetyja ludzi chočuć pierajechać dla taho, kab pracavać u Litvie. A takuju pazicyju ŭ dačynieńni da vajny va Ukrainie litoŭskaja čynoŭnica tłumačyć upłyvam biełaruskaj i rasijskaj prapahandy.
Usiaho ŭ Litvie ciapier žyvuć 55 tysiač biełarusaŭ, jakija majuć na rukach dazvoł na žycharstva abo anałahičny dakumient.
Ciapier čytajuć
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3030
Kamientary
Heta jakraz sapraŭdnyja biela-ruskija. Jak karabieĺ nazavieš, tak i paplyvieš. Pry kryvičach takoha b nie bylo.