Piłoty samalota kampanii «Bielkanta» ciapier znachodziacca ŭ Jehipcie i płanujuć z Kaira vylecieć u Minsk.
Ekipaž samalota Ił-76TD kampanii «Bielkanta», jaki zachras u Sudanie, zdoleŭ pakinuć krainu, ciapier biełarusy znachodziacca ŭ Jehipcie, paviedamlaje «Sputnik».
Jak zajaviŭ RIA Naviny hienkonsuł Rasii ŭ Churhadzie Viktar Varapajeŭ, jehipieckija ŭłady dapamahli im, a taksama dvum rasijanam, z ujezdam u krainu. Im vydali ŭjaznyja vizy ŭ čaćvier, 27 krasavika.
Rasijski dypłamat taksama raspavioŭ, što napiaredadni viečaram pa telefonie ekstrannaj suviazi da ich źviarnulisia dvoje hramadzian Rasii i šeść biełarusaŭ, jakija pracavali ŭ Sudanie pa pryvatnych kantraktach. Jany prybyli z Chartuma na sudanska-jehipiecki pamiežny pierachod «Arkyn». Sa słoŭ Varapajeva, jehipieckija pamiežniki nie chacieli prapuskać ich na terytoryju krainy. Pryčyna admovy — adsutnaść transpartu: sudanski kiroŭca aŭtobusa admoviŭsia pierasiakać miažu. Hienkonsulstva ŭ svaju čarhu źviarnułasia ŭ kampietentnyja orhany pravincyi Čyrvonaje mora.
U vyniku rasijanam i biełarusam akazali nieabchodnaje sadziejničańnie ŭ pierasiačeńni miažy. Paśla hetaha hramadzianie Biełarusi i Rasii adpravilisia na aŭtobusie ŭ Kair, adkul majuć namier vylecieć u Minsk i Maskvu.
Raniej u MZS Biełarusi prainfarmavali, što ŭ Sudanie znachodziacca biełaruskija hramadzianie, u tym liku ekipaž samalota.
Samalot kampanii «Bielkanta» prybyŭ u Sudan dla praviadzieńnia rabot pa madernizacyi i techničnaha absłuhoŭvańnia, a ekipaž čakaŭ afarmleńnia strachoŭki dla palotaŭ nad terytoryjaj Turcyi.
Pieršapačatkova piłoty nie mahli pakinuć Sudan, bo pieramiaščacca pa krainie było niebiaśpiečna z-za bojesutyknieńniaŭ.
Jak ciapier vyhladaje palitźniavoleny Ihar Łosik FOTA16
Kamientary