Пілоты самалёта кампаніі «Бельканта» цяпер знаходзяцца ў Егіпце і плануюць з Каіра вылецець у Мінск.
Экіпаж самалёта Іл-76ТД кампаніі «Бельканта», які захрас у Судане, здолеў пакінуць краіну, цяпер беларусы знаходзяцца ў Егіпце, паведамляе «Спутнік».
Як заявіў РІА Навіны генконсул Расіі ў Хургадзе Віктар Варапаеў, егіпецкія ўлады дапамаглі ім, а таксама двум расіянам, з уездам у краіну. Ім выдалі ўязныя візы ў чацвер, 27 красавіка.
Расійскі дыпламат таксама распавёў, што напярэдадні вечарам па тэлефоне экстраннай сувязі да іх звярнуліся двое грамадзян Расіі і шэсць беларусаў, якія працавалі ў Судане па прыватных кантрактах. Яны прыбылі з Хартума на суданска-егіпецкі памежны пераход «Аркын». Са слоў Варапаева, егіпецкія памежнікі не хацелі прапускаць іх на тэрыторыю краіны. Прычына адмовы — адсутнасць транспарту: суданскі кіроўца аўтобуса адмовіўся перасякаць мяжу. Генконсульства ў сваю чаргу звярнулася ў кампетэнтныя органы правінцыі Чырвонае мора.
У выніку расіянам і беларусам аказалі неабходнае садзейнічанне ў перасячэнні мяжы. Пасля гэтага грамадзяне Беларусі і Расіі адправіліся на аўтобусе ў Каір, адкуль маюць намер вылецець у Мінск і Маскву.
Раней у МЗС Беларусі праінфармавалі, што ў Судане знаходзяцца беларускія грамадзяне, у тым ліку экіпаж самалёта.
Самалёт кампаніі «Бельканта» прыбыў у Судан для правядзення работ па мадэрнізацыі і тэхнічнага абслугоўвання, а экіпаж чакаў афармлення страхоўкі для палётаў над тэрыторыяй Турцыі.
Першапачаткова пілоты не маглі пакінуць Судан, бо перамяшчацца па краіне было небяспечна з-за боесутыкненняў.
Пашпарт Новай Беларусі пачнуць выдаваць з 26 студзеня. Што вядома і як атрымаць?60
Каментары