Sajt i ŭsie sacyjalnyja sietki samaha papularnaha niezaležnaha baranavickaha vydańnia «Inteks-pres» pryznali ekstremisckimi
Havorka pra sajt intex-press.by, a taksama staronki miedyja ŭ instahramie, tvitary, ukantakcie, adnakłaśnikach, fejsbuku, tyktoku, telehramie i jutubie.
Zroblena heta było na zapyt Baranavickaj mižrajonnaj prakuratury.
Pra toje, što 29 krasavika adbyŭsia sud, dzie prymałasia adpaviednaje rašeńnie, paviedamiŭ resurs «Naš kraj».
U lutym siłaviki prychodzili ŭ ofis vydańnia i kanfiskavali ŭsiu techniku.
U Biełarusi paśladoŭna vyniščajecca rehijanalnaja niezaležnaja presa. Ranicaj 15 sakavika ŭ Vilejcy ŭ domie hałoŭnaha redaktara «Rehijanalnaj haziety» Alaksandra Manceviča prajšoŭ pieratrus, jaho zatrymali. Manceviča abvinavačvajuć u «raspaŭsiudžvańni zaviedama iłžyvych źviestak, jakija dyskredytujuć Biełaruś i jaje orhany ŭłady».
Na pačatku krasavika słuckaje vydańnie «Infa-Kurjer» abviaściła pra zakryćcio paśla pryznańnia ŭsich tekstaŭ ekstremisckimi materyjałami. Napiaredadni ŭ redakcyi haziety prajšoŭ pieratrus. Hałoŭny redaktar vydańnia Siarhiej Stankievič i jaho namieśnik Aleh Rubčenia byli zatrymanyja. Im prysudzili pa 15 sutak administracyjnaha aryštu.
Kamientary