Pra śmierć viadomaha na postsavieckaj prastory madeljera paviedamili rasijskija ŚMI. Jamu było 85 hadoŭ.
Viačasłaŭ Zajcaŭ naradziŭsia ŭ 1938 hodzie ŭ Ivanavie.
U 1962 hodzie skončyŭ Maskoŭski tekstylny instytut pa śpiecyjalnaści mastak-madeljer. U 1982 hodzie jon staŭ mastackim kiraŭnikom zasnavanaha Maskoŭskaha Doma mody i stvoranaha na jaho bazie pieršaha ŭ SSSR Teatra mody. U kancy 80-ch jaho vopratku pačali pakazvać na mižnarodnych tydniach mody. U toj čas jon faktyčna byŭ hałoŭnaj fihuraj u savieckaj modzie i prynamsi častkova zachoŭvaŭ svaje pazicyi ŭ nastupnyja hady.
U 1993 hodzie ŭstanova była pierajmienavanaja ŭ maskoŭski Dom mody Viačasłava Zajcava, dzie jon zaniaŭ pasadu hienieralnaha dyrektara.
Ahułam madeljer prezientavaŭ bolš za 70 kalekcyj adzieńnia, niekalki jahonych tvoraŭ u 1999 hodzie byli ŭklučanyja ŭ zbor Traćciakoŭskaj halerei.
Siońnia dniom, jak paviedamlajecca, Zajcava dastavili ŭ balnicu sa straŭnikavym kryvaciokam i adpravili ŭ reanimacyju, dzie jon pamior.
Kamientary