U sałonie taksi ŭ Minsku zaŭvažyli šyldu, jakaja papiaredžvaje, što viadziecca videanazirańnie. Takoje patrabavańnie rejestra aŭtamabilnych pieravozak pasažyraŭ u nierehularnym złučeńni, bieź jakoha pracavać nielha, rastłumačyŭ Smartpress.by taksist.
Vadziciel zapeŭnivaŭ, što opcyja ŭviedzienaja dla biaśpieki kiroŭcaŭ i pasažyraŭ. Zapisy kamier zachoŭvajucca hod.
Adnak kiroŭca nie raspavioŭ, dzie mienavita znachodzicca kamiera. Vyjavić jaje pry vizualnym ahladzie sałona nie ŭdałosia.
Z 1 listapada ŭ Biełarusi źmianilisia ŭmovy pracy servisaŭ taksi. Usie kiroŭcy i mašyny pavinny być zarehistravanyja ŭ rejestry aŭtamabilnych pieravozak pasažyraŭ u nierehularnym złučeńni. Biez hetaha pracavać nielha.
U Mintransie miarkujuć, što rejestr dapamoža «abmiežavać prysutnaść na rynku pieravozak pasažyraŭ niesumlennych pieravozčykaŭ i dyśpietčaraŭ».
Pa fakcie pasažyry atrymali tolki pavyšanyja ceny na pajezdki i pavialičany čas čakańnia mašyny.
Ciapier čytajuć
Što Babaryka i Kaleśnikava adkazali na pytańni pra vajnu97
Kamientary